खतेFOLLOW

Agriculture News : गोदामांमध्ये मोठ्या प्रमाणात युरियाची (Urea) साठेबाजी केली असल्याची माहिती मिळताच कृषी विभागाने रविवारी रात्री आर्वी आणि कारंजा तालुक्यात चौकशी केली. यादरम्यान त्यांना तीन गोदामांमध्ये 'टेक्निकल ग्रेड युरिया, फॉर इंडस्ट्रीयल यूज ओन्ली' असे लिहिलेल्या युरियाचा साठा आढळून आला. तिन्ही गोदामातून ४ हजार ६३५ बॅग युरिया आढळून आल्याने गोदाम सील केले आहे. याप्रकरणी कृषी व्यावसायिकांत मोठी खळबळ उडाली आहे. शेतीचा हंगाम सुरू असून, यात शेतकऱ्यांची फसवणूक झाल्याच्या तक्रारी होऊ लागल्या. त्या अनुषंगाने कृषी विभागही अॅक्शन मोडवर आला आहे. अशातच त्यांना आर्वी व कारंजा (घाडगे) तालुक्यातील काही ठिकाणी गोदामामध्ये युरियाची साठेबाजी केल्याची माहिती कृषी विभागाला मिळाली होती. या माहितीच्या आधारे कृषी विभागाच्या अधिकाऱ्यांनी कारंजा तालुक्यातील राजणी येथील कोहली यांच्या गोदामाची तपासणी केली असता त्यात १ हजार १६० बेंग युरिया आढळून आला. त्यावर 'टेक्निकल ग्रेड युरिया, फॉर इंडस्ट्रीयल यूज ओन्ली' असे लिहिलेले होते. त्यामुळे येथील युरियाचे नमुने घेऊन गोदाम सील केले. तसेच आर्वी तालुक्यातील बाजारवाडा येथील विजय वाजपेयी यांच्या गोदामाची तपासणी करण्यात आली. या गोदामात अशाच प्रकारचा तब्बल २ हजार ३४२ बॅग युरिया आढळून आला. येथीलही नमुने घेऊन गोदाम सील केले. यासोबतच याच तालुक्यातील पिंपळखुटा येथील अग्रवाल यांच्याही गोदामात १ हजार ११३ बॅग युरिया आढळून आला. त्यामुळे तिन्ही गोदाम सील करून युरियाचे नमुने तपासणीकरिता पाठविण्यात आले. कृषी विभागाने तिन्ही गोदामातून १२ लाख ३५ हजार २०० रुपयांच्या ४ हजार ६३५ बॅग युरिया जप्त करून तो स्थानिक पोलिसांत ठाण्याकडे सुपुर्द नाम्यावर ठेवला आहे. औद्योगिक वापराचा युरिया शेतीसाठी ? शेतीचे दिवस असल्याने सध्या शेतीकरिता युरियाची मोठ्या प्रमाणात मागणी आहे. अशातच आर्वी व कारंजा तालुक्यात मोठ्या प्रमाणात फक्त औद्योगिक वापरासाठीच असलेला युरिया आढळून आला. त्यामुळे हा युरिया इतकाच होता की यापेक्षाही जास्त साठा होता, हा युरिया शेतीकरिता वापरला का? कुण्या शेतकऱ्यांना विकला का? हा साठा कशासाठी करण्यात आला, याचा उलगडा आता तपासणी अहवालानंतरच होईल.गोपनीय माहितीच्या आधारे कारंजा तालुक्यातील राजणी आणि आर्वी तालुक्यातील बाजारवाडा व पिंपळखुटा या तीन गुदामातून ४ हजार ६३५ बॅग युरिया जप्त करण्यात आला. या बॅगवर 'टेक्निकल ग्रेड युरिया, फॉर इंडस्ट्रीयल युज ओन्ली असे लिहिलेले आहेत. याचे नमुने घेऊन अमरावतीच्या प्रयोगशाळेत तपासणीला पाठविले आहे. अहवाल प्राप्त होताच पुढील कार्यवाही केली जाईल.- संजय बमनोटे, कृषी विकास अधिकारी, जि.प., वर्धा.

लाईव्ह न्यूज :

महा(पालिका)संग्रामाचा 'धुरळा'

ठाकरेंची एकी, मविआत फूट

फडणवीसांचं 'मिशन इलेक्शन'

मुंबई-ठाण्यात शिंदेंसेनेची कसोटी

सत्ताधारी-विरोधकांची 'चाय पे चर्चा'

बिबट्याची दहशत

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

खतेFOLLOW

Read more

लोकमत शेती : Cotton Seed : शेतकऱ्यांनो, कापसाच्या ठराविक वाणाचा आग्रह नको; कृषी विभागाचा सल्ला

लोकमत शेती : Kharip Season : नाशिक जिल्हयात खते व बियाणे किती उपलब्ध? इथं वाचा सविस्तर

अमरावती : बोगस खते, बियाणे विकाल तर परवाना निलंबित, तुरुंगात जाल

लोकमत शेती : Organic Farming : शेतकऱ्यांनो! कडुनिंबाच्या निंबोळ्या साठवून ठेवा, वाचा शेतीसाठी काय फायदे?

लोकमत शेती : जैविक खत द्याल तर जमिनीचे होईल सोने; पीक येईल मोत्यावानी

लोकमत शेती : खरिपात खतांची मागणी; युरियाचा वापर वाढणार

लोकमत शेती : Kharif Sowing खरीप हंगामाची लगबग; धूळ पेरणीसाठी तयारी

लोकमत शेती : शेतजमिनीच्या सुपीकतेसाठी हवा जैविक खतांचा 'बूस्टर डोस'

भंडारा : गतवर्षाच्या तुलनेत १०० रूपयांनी वाढले रासायनिक खत

लोकमत शेती : Organic Fertilizer गाजर गवतापासून या सोप्या पद्धतीने तयार करा दर्जेदार सेंद्रिय खत