शेतीFOLLOW

Rabi season : अनिल जोशी / झरीः परभणी जिल्ह्यातील शेकडो हेक्टर जमीन निम्न दुधना प्रकल्पामुळे सिंचनाखाली आली आहे. दरवर्षी जालना पाटबंधारे विभाग व माजलगाव कालवा विभाग क्रमांक १० या दोन विभागांकडून रब्बी व उन्हाळी पिकांसाठी पाणी आवर्तनाचे नियोजन केले जाते. मात्र, यंदा या विभागाला पाणी आवर्तनाचा विसर पडल्याचे दिसून येत आहे. ऑक्टोबर महिना सुरू झाला तरी कालवा सल्लागार समितीची बैठक झालेली नाही. परिणामी, शेतकऱ्यांमध्ये संभ्रमावस्था निर्माण झाली आहे.यंदा दमदार पावसामुळे निन्म दुधना प्रकल्पात मुबलक जलसाठा झाला आहे. त्यामुळे रब्बी हंगामातील पिकांना पाणी मिळण्याच्या आशा पल्लवित झाल्या आहेत. सध्या खरिपातील सोयाबीन पेरणी आटोपली असून, शेतकरी रब्बी हंगामाची तयारी करत आहेत. दुसरीकडे मात्र पाणी आवर्तनाचे नियोजन करणाऱ्या विभागाची मात्र तयारी होताना दिसत नसल्याने शेतकरी संभ्रमावस्थेत आहेत. रब्बी हंगाम पाणी आवर्तनासाठी कालवा सल्लागार समितीची बैठक होत असते. यंदा मात्र ऑक्टोबर महिना उजाडला तरी अद्यापही पाणी आवर्तनाच्या हालचाली दिसत नसल्याची स्थिती आहे. पाणी आवर्तन जाहीर झाले असते तर शेतकऱ्यांना रब्बी हंगामाचे नियोजन करता आले असते. मात्र, अद्यापही याकडे लक्ष दिले जात नसल्याने नाराजी व्यक्त होत आहे.गहू, हरभरा पेरा अधिक• खरिपात मोठ्या प्रमाणात सोयाबीन पेरणी केली जाते. सोयाबीन काढणीनंतर शेतकरी गहू, हरभरा, भुईमूग, ज्वारी आदी पिकांची पेरणी करतात. यात सर्वाधिक क्षेत्रावर हरभरा, गव्हाची पेरणी होते.• बहुतांश शेतकऱ्यांची पेरणी पाणी नियोजनानुसार अवलंबून असल्याने सर्वांचे लक्ष बैठकीकडे लागले आहे.लोअर दुधनाच्या ओलिताचा भाग जिल्ह्यात सर्वाधिक आहे, मात्र, प्रशासनाच्या समन्वय अभावी पाणी आवर्तन अद्याप जाहीर झालेले नाही. - संतोष देशमुख, शेतकरीपाणी आवर्तन जाहीर झाले तर हरभरा, गहू पीक घेता आले असते. अद्यापपर्यंत पाणीपाळी जाहीर न झाल्यामुळे शेतकरी संभ्रमावस्थेत आहेत. - मोसिन काजी, शेतकरीपाणी आवर्तन जाहीर न झाल्यामुळे मला गव्हाचा पेरा जास्त ठेवायचा होता. परंतु, अद्यापही पाणी जाहीर न झाल्यामुळे सदरील शेतात मला ज्वारीचे पीक घ्यावे लागले. त्यामुळे माझे मोठे नुकसान झाले आहे. - ब्रह्मानंद सावंत, शेतकरीकालवा समितीची कामे जालना पाटबंधारे विभागांतर्गत येतात. माझ्याकडे फक्त सिंचन विभाग आहे. - प्रसाद लांब, कार्यकारी अभियंता, माजलगाव कालवाप्रशासन लक्ष कधी देणारसप्टेंबर अखेर किंवा ऑक्टोबर महिन्याच्या सुरुवातीस कालवा सल्लागार समितीची बैठक घेऊन पाणी आवर्तनाचे वेळापत्रक जाहीर करणे अवश्यक असताना परभणी, जालना या दोन जिल्ह्यांच्या समन्वय अभावी रब्बी आवर्तन रखडल्याची स्थिती आहे. याकडे दोन्ही जिल्ह्यांचे प्रशासन लक्ष कधी देणार? असा सवाल उपस्थित होत आहे.

लाईव्ह न्यूज :

नगरपरिषदांवर महायुतीचा झेंडा

आता 'मिशन महापालिका'

CM फडणवीसांची 'आकडेमोड'

ठाकरेंचं ठरलंय, मविआचं बिघडलंय

शिंदेंसेनेचं 'बार्गेनिंग'

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

शेतीFOLLOW

farming शेती हा भारताचा मुख्य व्यवसाय आहे. आपल्याकडची शेती ही मॉन्सूनवर आधारित आहे.

Read more

यवतमाळ : विदर्भात दोन दिवसांत पाच शेतकऱ्यांची आत्महत्या

लोकमत शेती : हरित क्रांतीचे प्रणेते वसंतराव नाईक यांचा स्मृतिदिन, जाणून घेवूया त्यांचा जीवनपट

लोकमत शेती : Satbara राज्यात एका दिवसात तब्बल तीन लाख सातबारा उतारे झाले डाऊनलोड

लोकमत शेती : सोयाबीन पिवळं पडतंय, कसे कराल व्यवस्थापन

लोकमत शेती : Agriculture News : भावांतर योजना लागू झाल्यास शेतकऱ्यांना फायदा! काय आहे भावांतर याेजना?

लोकमत शेती : Goat Care In Rain पावसाळ्यात अशी घ्या शेळ्यांची काळजी; टळेल आर्थिक हानी

लोकमत शेती : Jawar Bajarbhav : लातूर बाजारात पिवळ्या आणि पांढऱ्या ज्वारीला काय भाव मिळाला? वाचा आजचे बाजारभाव

लोकमत शेती : Kanda Bajarbhav : लाल आणि उन्हाळ कांद्याची आवक किती झाली? वाचा आजचे बाजारभाव

लोकमत शेती : Cotton Sowing : आतापर्यंत जळगाव जिल्ह्यात कपाशीची लागवड किती झाली? वाचा सविस्तर

लोकमत शेती : भारतीयांना वार्षिक किती कांदा लागतो? जाणून घ्या संपूर्ण गणित