शेतीFOLLOW

पुणे : देशात यंदाच्या ऊस गाळप हंगामात ३५० लाख टन साखर उत्पादन अपेक्षित असून त्यातून इथेनॉल उत्पादनासाठी सुमारे ३५ लाख टन साखर वळविण्यात येणार आहे.तर देशांतर्गत साखरेचा खप २९० लाख टन अपेक्षित असून ५० लाख टनांचा खुला साठा लक्षात घेता कारखान्यांकडे अंदाजे ७५ लाख टन साखर शिल्लक राहील. त्यामुळे कारखान्यांचा मोठ्या प्रमाणात पैसा अडकून पडेल व घेतलेल्या कर्जावर व्याज वाढत जाईल.साखर उद्योगाचे अर्थचक्र सुरळीत चालण्यासाठी केंद्र सरकारने आधी घोषित केलेल्या १५ लाख टन कोट्याव्यतिरिक्त आणखी १० लाख टन साखर निर्यातीला परवानगी द्यावी, अशी विनंती राष्ट्रीय सहकारी साखर महासंघाने केली आहे.देशात ३० नोव्हेंबरपर्यंत देशात ४८६ लाख टन उसाचे गाळप करण्यात आले आहे. त्यातून ४१.३५ लाख टन साखरेचे उत्पादन झाले आहे. तर साखरेचा सरासरी उतारा ८.५१ टक्के मिळाला आहे.गेल्या वर्षी याच काळात ३३४ लाख टन ऊस गाळपातून २७.६० लाख टन साखर उत्पादन झाले होते. तर साखर उतारा ८.२७ टक्के होता. चालू हंगामाच्या अखेरीस देशात एकूण साखर उत्पादन ३५० लाख टन साखर उत्पादन होण्याचा अंदाज आहे.इथेनॉल उत्पादनासाठी ३५ लाख टन साखर वळविल्यानंतर निव्वळ उत्पादन ३१५ लाख टन अपेक्षित असून त्यात साखर उत्पादनात अव्वल असलेल्या राज्यांपैकी महाराष्ट्रात ११० लाख टन निर्यातीस परवानगी दिली आहे.तसेच उत्तर प्रदेशात १०५ लाख टन, कर्नाटकात ५५ लाख टन आणि गुजरातमध्ये ८ लाख टन साखर उत्पादन होणे अपेक्षित आहे. केंद्र सरकारने आतापर्यंत १५ लाख टन साखर निर्यातीस परवानगी दिली आहे.मात्र, यंदाचे अपेक्षित उत्पादन, इथेनॉलची निर्मिती आणि साठा याचा विचार करता आणखी १० लाख टन साखर निर्यातीस परवानगी मिळावी, अशी मागणी महासंघाने केंद्र सरकारकडे केली आहे.या निर्णयामुळे देशांतर्गत साखरेच्या किमती स्थिर राहून देशांतर्गत बाजारपेठेतील मागणी सुधारण्यास मदत होईलच, परंतु जागतिक बाजारात भारतीय साखरेचे मर्यादित प्रमाण आहे.७५ टक्के महसूल शेतकऱ्यांना◼️ महासंघाचे अध्यक्ष हर्षवर्धन पाटील म्हणाले, किमान साखर विक्री दर ४१ रुपये प्रति किलो करण्यात यावा.◼️ ब्राझील आणि थायलंडसारख्या प्रमुख ऊस उत्पादक देशांमध्ये शेतकऱ्यांना दिला जाणारा महसूल वाटा सुमारे ६० ते ६५ टक्के आहे.◼️ तर भारतात साखरेचे किमान दर ४१ रुपये प्रति किलो विचारात घेतल्यास हा वाटा ७५ ते ८० टक्क्यांपर्यंत जातो.◼️ महाराष्ट्र आणि कर्नाटक सरकारने साखर कारखान्यांना वाढीव महसूल शेतकऱ्यांसोबत वाटून घेण्याचे विधेयक संमत केले आहे.◼️ अशाप्रकारे वाढीव उत्पन्नाच्या सुमारे ७५ टक्के महसूल शेतकऱ्यांना दिला जाईल आणि २५ टक्के साखर कारखान्यांकडेच राहील.अधिक वाचा: स्वाभिमानीच्या आंदोलनानंतर गडहिंग्लज कारखान्याचा दर जाहीर; अखेर कसा दिला दर?

लाईव्ह न्यूज :

नगरपरिषदांवर महायुतीचा झेंडा

आता 'मिशन महापालिका'

CM फडणवीसांची 'आकडेमोड'

ठाकरेंचं ठरलंय, मविआचं बिघडलंय

शिंदेंसेनेचं 'बार्गेनिंग'

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

शेतीFOLLOW

farming शेती हा भारताचा मुख्य व्यवसाय आहे. आपल्याकडची शेती ही मॉन्सूनवर आधारित आहे.

Read more

लोकमत शेती : पुरंदर विमानतळ जमीन मोबदला प्रस्तावाला मान्यता; कसा ठरणार शेतकऱ्यांच्या जमिनींचा दर?

लोकमत शेती : खरीपातील प्रमुख पिकांच्या उत्पादनाचा पहिला अग्रिम अंदाज जाहीर; उत्पादनात विक्रमी वाढ

लोकमत शेती : अतिवृष्टीग्रस्त शेतकऱ्यांना दिलासा; कर्जवसुली संदर्भात शासनाने घेतला 'हा' महत्वपूर्ण निर्णय

लोकमत शेती : E-Pik Pahani : लोकेशन एररमुळे ई-पीक पाहणी रखडली; सहायकांची डोकेदुखी वाढली

लोकमत शेती : रेशीम व्यवसायाला मिळणार नवी चालना; वनामकृवि आणि सिल्क असोसिएशन ऑफ महाराष्ट्र यांच्यात सामंजस्य करार

लोकमत शेती : Til Market Update : तिळाच्या दरात उसळी; अकोल्यात फक्त 'इतके' क्विंटल आवक वाचा सविस्तर

लोकमत शेती : Organic Carbon : जमिनीतील सेंद्रिय कर्ब कशामुळे कमी होतो? काय आहेत कारणे? वाचा सविस्तर

लोकमत शेती : नामांकित कंपनीच्या 'या' वाणाचे तुर बियाणे निघाले बोगस; पाच महिने होऊनही तुरीला फुलधारणा नाही

लोकमत शेती : चंपाषष्ठीमुळे वांग्यांच्या दरात वाढ; बाजारात इतर भाज्यांच्या दरातही तेजी