दिवाळी 2024FOLLOW

नाशिक : भारतीय संस्कृतीचा सर्वांत मोठा सण असलेल्या प्रक ाशोत्सवाच्या आणि आनंदोत्सवाच्या दीपावली पर्वाला सुरुवात झाली असून, रविवारी (दि.२७) लक्ष्मीपूजन असल्यामुळे लक्ष्मीपूजनाच्या पूर्वसंध्येला शनिवारी बाजारपेठेत ग्राहकांच्या गर्दीचा महापूर उसळल्याचे दिसून आले. धनत्रयोदशीनंतर चौथ्या शनिवारी सुटी असल्याने शासकीय, खासगी कर्मचारी तसेच औद्योगिक वसाहतीच्या कामगारांनी सहकुटुंब बाजारपेठेत खरेदीसाठी गर्दी केल्यामुळे सकाळपासून रात्री उशिरापर्यंत बाजारपेठेत भरगच्च गर्दी दिसून आली. शहरात आठवडाभरापासून पावसाच्या वातावरणामुळे दिवाळीच्या खरेदीवर काही प्रमाणात परिणाम झाला असल्याने शनिवारी सकाळपासून शहरात ढगाळ वातावरणासोबतच टिपटिप पाऊस सुरू असला तरी ग्राहकांनी जोरदार खरेदी केली. औद्योगिक वसाहत आणि खासगी आस्थापनाच्या कर्मचाºयांना शनिवारपासून सुट्या असल्यामुळे कुटुंबातील सर्वांना कपडे, सजावटीचे साहित्य, लक्ष्मीमातेची प्रतिमा, मूर्ती, पूजा साहित्य, पणत्या, अकाशकंदील, केरसुनीसह किराणा, सुकामेवा, कपडे, खाद्यपदार्थ, भेटवस्तूंची ग्राहकांनी जोरदार खरेदी केली. शहरातील बाजारपेठांसह विविध मॉलमधील सवलतीकडेही ग्राहक मोठ्या प्रमाणात आक र्षित झाल्याचे पाहायला आले. अनेकांनी दिवाळीच्या मुहूर्तावर घरातील टीव्ही, फ्रीज,वॉशिंगमशीन, एसीसारख्या इलेक्ट्रॉनिक्स वस्तुंची खरेदी केली. त्याचप्रमाणे अनेकांनी दिवाळीच्या धनत्रयोदशीच्या मुहूर्तावर वाहन खरेदी केली असून, अनेकांनी लक्ष्मीपूजन आणि दिवाळी पाडव्याच्या मुहूर्तावर वाहन खरेदीचे नियोजन केले आहे. लक्ष्मीपूजनाच्या मुहूर्तावर चारचाकी वाहनांसोबतच व्यावसायिक वाहनांची खरेदी करणाºया ग्राहकांची संख्या मोठ्या प्रमाणात असून, संपूर्ण दीपोत्सवात रोज किमान तीनशे ते चारशे दुचाकी वाहनांची विक्री होत आहे. हा आकडा लक्ष्मीपूजनाच्या मुहूर्तावर तीन ते साडेतीन हजारांचा टप्पा पार करण्याची अपेक्षा वितरकांकडून व्यक्त केली जात आहे. तयार फराळ, मिक्स मिठाईला मागणीपारंपरिक दीपोत्सवाचा उत्साह घरोघरी दिसून येत असला तरी सध्याच्या काळात अनेक गृहिणी नोकरी, व्यवसाय करतात. त्यामुळे त्यांना फराळाचे पदार्थ करण्यासाठी वेळ मिळत नाही परिणामी मुंबई, पुण्यानंतर आता नाशिकमध्येही तयार फराळ तसेच मिक्स मिठाई, काजू कतलीसह सर्वच मिठाईला मोठी मागणी असल्याचे मिठाई विक्रेत्यांनी सांगितले. कॉलनी किंवा सोसायटीत एकत्रित येऊन पदार्थ करण्यासोबतच आचाºयांकडून फराळाचे पदार्थ तयार करून घेण्याचाही पर्याय वापरला गेला.

लाईव्ह न्यूज :

'मतचोरी'वरून राहुल गांधी Vs. निवडणूक आयोग

PM नरेंद्र मोदी

धगधगतं फ्रान्स

आशिया कप २०२५

मराठा - ओबीसी आरक्षण अपडेट्स

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

दिवाळी 2024FOLLOW

Read more

वसई विरार : ‘कस्टमाइज्ड’ गिफ्टसला ग्राहकांची पसंती!

पुणे : ही आहेत पुणेकरांची खरेदीसाठीची सर्वाधिक पसंतीची ठिकाणं

नवी मुंबई : पारंपरिक पणत्या, मॅजिक लॅम्पला पसंती

पुणे : दिवाळी खरेदीसाठी लक्ष्मी रोडवर झगमगाट

पिंपरी -चिंचवड : पिंपरी-चिंचवड उद्योगनगरीतील कंत्राटी कामगार बोनसविना

नाशिक : दिवाळीत बँकांना चार दिवस सुटी

नाशिक : भेटवस्तूंसोबत मिठाईचा गोडवा वाढणार

पुणे : मुलांची फटाकेमुक्त दिवाळीची शपथ

नाशिक : येवा कोकण : देशाटनासाठी नाशिककर दिवाळीत गाठणार समुद्रकिनारे

रत्नागिरी : यंदा दिवाळीत मिठाईला महागाईची झळ, दुग्धजन्य मिठाईच्या दरात वाढ