दुग्धव्यवसायFOLLOW

सध्या थंडीचे प्रमाण वाढत असून या थंडीच्या लाटेत शेतकरी व पशुपालक यांच्या पशुधनाचे आर्थिकदृष्ट्या नुकसान होऊ नये यासाठी शीत लहरींपासून पशुधनाचा बचाव करणे आवश्यक आहे.थंडीच्या लाटेत तीव्रतेपासून संरक्षण करणे, अनुषंगिक आजार व मर्तुक नियंत्रीत करण्यासाठी कोणत्या उपाययोजना उपयुक्त आहेत याविषयी सविस्तर जाणून घेऊया.काय करावे◼️ स्थानिक हवामानाच्या अंदाजाची अद्यावत माहिती ठेवावी.◼️ वातावरणातील तीव्र बदलापासून पशुधनाचा बचाव करण्यासाठी प्रतिबंधात्मक उपाययोजनांची तयारी करून ठेवावी.◼️ पशुधनाचा थंड वाऱ्यापासून बचाव करण्यासाठी त्याचा निवारा चहू बाजूने आच्छादित करावा, पत्र्याचे छत असल्यास त्यावर वाळलेले गवत अथवा कडब्याचा थर पसरावा.◼️ पशुधनास निवाऱ्यातील जमिनीतील थंडी पासून बचावासाठी वाळलेल्या चाऱ्याचा थर/बिछाना अंथरावा.◼️ पशुधनाचा निवारा शीत ऋतुत जास्त सुर्य प्रकाश पुरविणारा व उन्हाळ्यात सुर्य किरणांच्या तिव्रतेपासून बचाव करणारा असावा.◼️ कडाक्याची थंडी असल्यास निवाऱ्यात कृत्रिम प्रकाश व उष्णता पुरवायची सोय करावी.◼️ अशक्त व आजारी पशुधनास थंडी पासून बचावाकरीता झाकण्यासाठी पोती/बारदान यासारखी सोय असावी. तसेच रात्री सर्व पशुधन उबदार निवाऱ्यात ठेवावे.◼️ पशुधनास ओलाव्यापासून दूर ठेवावे, तसेच उष्णतेसाठी शेकोटी पेटविली असेल तर त्यापासून निघणाऱ्या धूरापासून त्यांचा बचाव करावा, ओलसरपणा ओलावा व धूर यामुळे पशुधनास न्युमोनिया होण्याची शक्यता असते.◼️ पशुधनाच्या शरीराचे तापमान नियंत्रित राहावे यासाठी विशेष करून लहान वयाच्या व अशक्त पशुधनास पेंड व गुळ देण्यात यावे. तसेच त्यांना उबदार जागी ठेवण्याची सोय असावी.◼️ पशुधनासाठी उच्च दर्जाच्या चारा व पशुखाद्याचा मुबलक साठा असावा.◼️ सुधारीत पशुपोषण पध्दती व पुरक खाद्य वापरावेत.◼️ पशुधनास जंत/कृमी नाशके देण्यात यावे.◼️ पशुधनांचा बाह्यपरजीवी किटकांपासून बचाव करण्यासाठी त्यांच्या निवाऱ्यात स्वच्छता ठेवावी.◼️ निरगुडी, तुळस, लेमन ग्रास यांच्या जुड्या गोठ्यात लटकवाव्या, त्या वासाने बाह्य परजीवीं किटक पशुधनाच्या निवाऱ्यात येण्याची शक्यता कमी होते.◼️ निवाऱ्याच्या/गोठा स्वच्छतेसाठी कडूनींबाचा तेल असलेले निर्जंतुकीकरण द्रावण वापरता येईल.◼️ पशुधनाच्या संवर्गानुसार लाळ खुरकुत, घटसर्प, फऱ्या, पीपीआर, आंत्रविषार, इत्यादी रोग प्रतिबंधक लस देण्यात यावी.◼️ पशुखाद्यातून व पाण्यातून पुरेसे क्षार पुरविण्यात यावेत. दुभत्या पशुधनास संतुलित्त आहार व पुरक स्निग्ध खाद्य पुरविण्यात यावेत.◼️ पशुधनाच्या पाणी पिण्याची भांडी स्वच्छ असावीत तसेच पशुधनास दिवसातुन ४ वेळेस कोमट पाणी पिण्यास द्यावे.◼️ सहा महिन्या पुढील गर्भधारणा असलेल्या पशुधनास वाढीव खाद्य द्यावे.◼️ मृत पशुधनाच्या विल्हेवाटीची जागा ही सार्वजनिक जागा व पाणवठ्यापासून दूर असावी. तसेच ती जागा काटेरी कुंपनाने संरक्षित असावी आणि तेथे फलक लावण्यात यावा.काय करू नये◼️ शीत लहरीच्या काळात पशुधनास उघड्यावर बांधू नये, तसेच मोकाट सोडू नये.◼️ शीत लहरीमध्ये पशु मेळाव्यांचे आयोजन टाळावे.◼️ पशुधनास पिण्यास थंड पाणी देऊ नये.◼️ पशुधनाच्या निवाऱ्यात ओलसरपणा व धूर टाळावा.◼️ रात्री व थंडीत पशुधनास उघड्यावर बांधून ठेऊ नये.◼️ मृत पशुधनाचे शव कुरणावर अथवा चरावयाच्या मार्गात टाकू नये.अधिक वाचा: 7/12 Download: सातबारा काढण्यासाठी आता तलाठ्याकडे जायची गरज नाही; डाउनलोड करा तुमच्या मोबाईलवर

लाईव्ह न्यूज :

'मिशन महापालिका'

'भाऊबंध' जुळले, ठाकरेंचं ठरलं!

CM फडणवीसांची रणनीती

शिंदेंसेनेची 'जुळवाजुळव'

काका-पुतण्या एकत्र येणार?

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

दुग्धव्यवसायFOLLOW

Dairy Farming पशुपालन ते दूध उत्पादन आणि प्रक्रिया हा शेतकऱ्यांसाठी ताजा पैसा मिळवून देणारा व्यवसाय समजला जातो.

Read more

लोकमत शेती : राज्यातील 'हा' दूध संघ म्हैस खरेदीसाठी शेतकऱ्यांना देतोय ८० हजारांचे अनुदान

लोकमत शेती : 'दुग्धविकास'साठी छत्रपती संभाजीनगर जिल्ह्यातून अर्जांची आघाडी; किती शेतकऱ्यांना मिळणार दुधाळ गाई?

लोकमत शेती : Dairy Farmers : 'लाडक्या बहिणींची' पशुपालनातून दुग्ध धवलक्रांती; ग्रामीण अर्थव्यवस्थेला नवी दिशा

लोकमत शेती : असे तीन फायदेशीर ॲप, जे प्रत्येक पशुपालकांच्या मोबाईलमध्ये असायलाच हवे, वाचा सविस्तर

लोकमत शेती : गायी-म्हशीतील गर्भपात कशामुळे होतो, त्यावर नेमका उपाय काय करावा, वाचा सविस्तर

लोकमत शेती : गाभण न राहणाऱ्या म्हशींच्या संख्येत होतेय वाढ; अमेरिकेची 'इडीफ' शोधणार म्हैस वंध्यत्वाची कारणे

लोकमत शेती : दुभत्या जनावरांना उसाचे वाढे खायला देणं योग्य की अयोग्य; जाणून घ्या सविस्तर

लोकमत शेती : थंडीची लाट अन् जनावरांची काळजी; जाणून घ्या हिवाळ्यातील पशुधन व्यवस्थापन

लोकमत शेती : 'या' जिल्ह्यांसाठी मोफत चारा आणि इलेक्ट्रिक चारा कापणी यंत्रे मिळणार, वाचा सविस्तर

लोकमत शेती : जातिवंत संगोपनाचा झाला फायदा; बाजार मंदावले असतानाही कालवडीची अडीच लाखांला विक्री