बाईकFOLLOW

चंद्रकांत मांडेकर चाकण : चाकण - तळेगाव महामार्गावरील महाळुंगे (ता.खेड) येथील दगडी पुलांच्या बांधकामाला सुमारे ९० ते ९५ वर्षे झाली आहेत. सध्या दुरवस्थेमुळे हा पूल अत्यंत धोकादायक बनला आहे. पुलाच्या बांधकामात झाडेझुडुपे वाढलेली आहेत.तसेच दोन्ही बाजूंना मोठे खड्डे पडले आहेत. पुलावरून रोज हजारोंच्या संख्येने लहान मोठ्या वाहनांची येजा सुरू आहे.या पुलाच्या दुरुस्तीची मागणी केली जात आहे.मावळ तालुक्यातील कुंडमळा येथील पूल कोसळून झालेल्या जीवघेण्या घटनेनंतर महाळुंगे येथील धोकादायक पुलाचे सार्वजनिक बांधकाम विभागाने सर्वेक्षण करावे, अशी मागणी नागरिकांमधून होत आहे. या पुलाचे स्ट्रक्चरल ऑडिट केव्हा झाले? हे कुणी अधि कारी ठामपणे सांगत नाही. पुलाच्या क्षमतेपेक्षा या पुलावरून एका वेळेस शेकडो वजनांचे अवजड कंटेनर ये-जा करीत आहेत. त्यामुळे या पुलाला कधीही धोका उद्भवू शकतो, अशी भीती नागरिकांकडून व्यक्त होत आहे.चाकण, तळेगाव,रांजणगाव येथे औद्योगिक वसाहत झाल्यानंतर या पुलावरील वाहतूक मोठ्या प्रमाणात वाढली आहे. औद्योगिक वसाहत असल्याने अवजड वाहतूक मोठ्या प्रमाणात आहे. चाकण-तळेगाव मार्गाचे काही वर्षांपूर्वी बीओटी तत्त्वावर नूतनीकरण करण्यात आले होते. त्यावेळी या पुलाच्या बांधकामाला धक्का न लावता तात्पुरती डागडुजीचे काम करण्यात आले होते.सध्या या पुलाचे काही ठिकाणी बांधकाम पडले आहे,तसेच काही ठिकाणी तडे गेले आहेत. या पुलाच्या बांधकामावर झाडेझुडुपे मोठ्या प्रमाणात वाढली आहेत. ओढ्यावरील या पुलाने शतक पार केले आहे. वाढलेल्या वाहनांच्या संख्येने पुलाला भार झेपेनासा झाला आहे. औद्योगिक वसाहत वाढल्याने महामार्गावरील वर्दळ वाढली परंतु पूल आहे तेवढाच आहे. नव्याने पूल बांधण्याची शासनाला गरज वाटत नाही. किमान अवजड वाहतूक दुसऱ्या मार्गाने वळवण्याची आवश्यक आहे. ओड्यावर बांधलेला हा पूल खूप जुना झाला आहे. पुलाच्या दोन्ही बाजूंना मोठे खड्डे पडले आहेत. झाडेझुडुपे वाढल्याने हे खड्डे वाहनचालकांना दिसत नाहीत. त्यामुळे अपघाताची शक्यता ना कारता येत नाही. बांधकाम विभागाने याकडे लक्ष देण्याची गरज आहे.

लाईव्ह न्यूज :

नगरपरिषदांवर महायुतीचा झेंडा

आता 'मिशन महापालिका'

CM फडणवीसांची 'आकडेमोड'

ठाकरेंचं ठरलंय, मविआचं बिघडलंय

शिंदेंसेनेचं 'बार्गेनिंग'

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

बाईकFOLLOW

Read more

पुणे : डम्परच्या चाकाखाली सापडून शंभर फूट फरफटत नेले; महिलेचा मृत्यू, पती अन् बाळ बचावले

पुणे : Navle bridge Accident: नवले पुलाजवळ ट्रकचा ब्रेक न लागल्याने तीन वाहनांना धडक, एकाचा जागीच मृत्यू

पुणे : वडगाव पुलाजवळ भीषण अपघात; मर्सिडीजची जोरदार धडक, दुचाकीस्वाराचा मृत्यू

पुणे : ...म्हणून सिंहगड रस्त्यावर सोमवारी प्रचंड वाहतूककोंडी; कारण आलं समोर!

मुंबई : १२ वर्षांखालील मुलांना ई-बाइक टॅक्सी बंदी; इलेक्ट्रिक बाइक टॅक्सी सेवेला परवानगी

पुणे : दारूच्या नशेत धरली पोलिसाची कॉलर; नवले ब्रिजजवळील घटना, व्हिडिओ व्हायरल...

पुणे : पुणेकरांच्या वाहतुकीसाठी अत्यंत महत्वाचा मानला जाणारा बाबा भिडे पूल दीड महिने बंद

पुणे : मोटारीची धडक, अल्पवयीन दुचाकीस्वाराचा मृत्यू, मैत्रीण जखमी, मोटारचालक फरार

मुंबई : Mumbai: नियमांचा बट्ट्याबोळ! ट्रेड सर्टिफिकेट नाही, तरी मुंबईत टू व्हीलर विक्री जोरात

मुंबई : Mumbai: HSRP नंबरप्लेटसाठी वाहनमालकांची होतेय दमछाक; कंत्राटदार, फिटमेंट सेंटरमध्ये समन्वयाचा अभाव