बीसीसीआयFOLLOW

Priyanka Chaturvedi on Afghanistan Attack: पाकिस्तान आणि अफगाणिस्तानमधील सीमेवर तणाव वाढत चालला आहे. दोन्ही देशांनी शुक्रवारी परस्पर संमतीने ४८ तासांचा युद्धविराम वाढवण्यावर सहमती दर्शवली. पण काही तासांनंतरच, तालिबानने अफगाणिस्तानच्या पक्तिका प्रांतात पाकिस्तानवर हवाई हल्ले केल्याचा आरोप केला. पाकिस्तानने पक्तिका प्रांतातील अनेक जिल्ह्यांमध्ये हवाई हल्ले केले ज्यात तीन अफगाण क्रिकेटपटूही मारले गेले. यानंतर पाकिस्तान आणि श्रीलंकेसोबत होणाऱ्या आगामी मालिकेत सहभागी न होण्याचा निर्णय अफगाणिस्तानने घेतला आहे. यावरुनच ठाकरे गटाच्या खासदार प्रियांका चतुर्वेदी यांनी अफगाणिस्तानकडून शिकण्याचा सल्ला देत केंद्र सरकार आणि बीसीसीआयला टोला लगावला आहे.पाकिस्तानने शस्त्रसंधी मोडून केलेल्या हवाई हल्ल्यात अफगाणिस्तानचे तीन क्रिकेटपटू मारले गेल्यामुळे, अफगाणिस्तान क्रिकेट बोर्डाने नोव्हेंबरमध्ये पाकिस्तानविरुद्धची रावळपिंडी आणि लाहोर येथे होणारी टी-२० मालिका रद्द करण्याचा निर्णय घेतला. या घटनेनंतर शिवसेना (उद्धव बाळासाहेब ठाकरे) खासदार प्रियांका चतुर्वेदी यांनी भारतीय क्रिकेट नियामक मंडळ आणि केंद्र सरकारला खेळापेक्षा देशाला प्राधान्य कसे द्यावे याचे धडे अफगाणिस्तानकडून घेण्याचा सल्ला दिला आहे.या घटनेनंतर प्रियांका चतुर्वेदी यांनी पाकिस्तानवर जोरदार टीका केली. त्यांनी पाकिस्तानच्या लष्कराला भ्याड म्हटले आणि त्यांच्या कृतीवर तीव्र संताप व्यक्त केला. याचबरोबर त्यांनी बीसीसीआय आणि केंद्र सरकारवर निशाणा साधला. एप्रिलमध्ये झालेल्या पहलगाम दहशतवादी हल्ल्यानंतर देखील आशिया चषक स्पर्धेत भारताने पाकिस्तानविरुद्ध खेळण्याचा निर्णय घेतला होता, याकडे त्यांनी लक्ष वेधले. "बीसीसीआय आणि भारत सरकारने खेळापेक्षा देशाला प्राधान्य कसे द्यावे, याचा धडा अफगाणिस्तान क्रिकेट बोर्डाकडून घ्यावा," असे चतुर्वेदी म्हणाल्या.चतुर्वेदी यांनी श्रीलंका संघालाही या मालिकेतून माघार घेण्याचे आवाहन केले आहे. २००९ मध्ये लाहोरमध्ये श्रीलंका क्रिकेट संघावर दहशतवाद्यांनी केलेल्या हल्ल्याची आठवण करून देत, त्यांनी पाकिस्तान पुरस्कृत दहशतवादाविरोधात अन्य आशियाई देशांनी एकत्र उभे राहावे, अशी अपेक्षा व्यक्त केली.दरम्यान, नुकत्याच झालेल्या आशिया चषकात पाकिस्तानविरुद्ध खेळण्याच्या सरकारच्या निर्णयावर विरोधकांनी व्यावसायिक फायद्यासाठी राष्ट्रीय हिताशी तडजोड' केल्याचा आरोप केला होता. मात्र, भारताने स्पर्धेत पाकिस्तानला हरवून विजेतेपद पटकावले. मात्र पीसीबीचे अध्यक्ष मोहसिन नक्वी यांच्या हस्ते ट्रॉफी स्वीकारण्यास भारताने नकार दिला होता.

लाईव्ह न्यूज :

मेस्सी भारतात येतो तेव्हा...

थेट हिवाळी अधिवेशनातून...

संसदेत सत्ताधारी Vs. विरोधक

ठाकरे विरुद्ध शिंदे

CM देवेंद्र फडणवीस

PM नरेंद्र मोदी

'इंडिगो' हळूहळू 'रनवे'वर

लोकमत ई-पेपर

शहरं

मनोरंजन

व्हिडीओ

बीसीसीआयFOLLOW

Read more

क्रिकेट : Irani Cup 2025: नागपूरच्या मैदानात फुल्ल राडा! यश धुलला तंबूत धाडल्यावर ठाकूर त्याच्या अंगावर धावला (VIDEO)

क्रिकेट : रोहित शर्माला कर्णधार पदावरून हटवण्यामागचं 'गंभीर' कनेक्शन; जाणून घ्या सविस्तर

क्रिकेट : चालतंय तोवर चालवायचं असं तो वागला नाही; मग तुम्ही एवढी घाई का केली? कैफचा आगरकरांना सवाल

क्रिकेट : रोहितला हटवलं याचं वाईट वाटतंय! किमान... हरभजन सिंगनं मांडलं रोखठोक मत

क्रिकेट : ...तर रोहित-विराटवर वनडे वर्ल्ड कप स्पर्धेआधीच निवृत्ती घेण्याची वेळ येणार?

क्रिकेट : Team India Squad For T20I vs Australia : हार्दिक पांड्या आउट; त्याच्या जागी कुणाला मिळाली संधी?

क्रिकेट : IND vs AUS: ऑस्ट्रेलिया दौऱ्यासाठी टीम इंडियाची घोषणा; रोहित शर्माला ठेंगा! शुबमन गिल वनडेचा नवा कॅप्टन

क्रिकेट : BCCI मध्ये नोकरी कशी मिळवायची? पगार किती असतो? काम काय असते? जाणून घ्या...

क्रिकेट : IND vs WI: ‘ध्रुव तारा’ चमकला! पहिल्या सेंच्युरीनंतर बॅटची बंदूक करून 'बाप-माणसाला' सेल्युट! (VIDEO)