अमोल मिटकरीFOLLOW

राष्ट्रवादीचे नेते, आमदार आणि विधानसभेचे विरोधी पक्षनेते अजित पवार (Ajit Pawar) यांनी छत्रपती संभाजी महाराजांबाबत केलेल्या विधानाचे पडसाद अद्यापही उमटताना दिसत आहेत. भाजप आणि शिंदे गट यावरून आक्रमक झाला आहे. अजित पवारांवर जोरदार टीका करण्यात येत आहे. यातच एका भाजप नेत्याने याप्रकरणावर प्रतिक्रिया देताना, अजित पवारांना पाकिस्तानात पाठवून द्यायला हवे, असे म्हटले आहे. आता, राष्ट्रवादीचे आमदार आणि अजित पवारांचे खंदे समर्थक अमोल मिटकरी हेही मैदानात उतरले आहेत. मिटकरी यांनी भाजप आमदारांना थेट चॅलेंजच दिलं आहे. अजित पवारांचं विधान इतिहासाला धरुन आहे, छत्रपती संभाजी महाराजांना धर्मवीर म्हणणं म्हणजे त्यांच्या उत्तुंग उंचीला मर्यादा आणणं होय. संभाजी महाराज हे स्वराज्य रक्षक होते, संभाजी महाराजांनी केवळ हिंदू आणि हिंदू धर्मासाठीच बलिदान केलं असं जर कोणी म्हणत असेल, नवीन जावई शोध लावत असेल तर, भाजपच्या कोणत्याही आमदाराने माझं चॅलेंज स्विकारावं. संभाजीराजे स्वराज्यरक्षक होते की धर्मवीर यासाठी डिबेटमध्ये बसावं. जो कोणी हरेल त्याने पदाचा राजीनामा द्यावा, असं चॅलेंजच आमदार अमोल मिटकरी यांनी भाजप आमदारांना दिले आहे. शिंदे गटाचे आमदार तेव्हा कुठे बिळात तोंड लपवून बसले होते, जेव्हा सावित्रीमाई फुले, कर्मवीर भाऊराव पाटलांबद्दल राज्यपाल आणि चंद्रकांत पाटील बोलते होते, असा प्रतिप्रश्नच मिटकरी यांनी केला. वारंवार पक्ष बदलणाऱ्या माणसांनी अजित पवारांवर बोलणं म्हणजे सूर्यावर थुंकण्यासारखं आहे. जो व्यक्ती स्वत:ला धर्मवीर म्हणत असेल त्या व्यक्तीने अजित दादांबद्दल बोलू नये, असे म्हणत आमदार मिटकरी यांनी भाजप आमदारास टोलाही लगावला. दरम्यान, भाजप आध्यात्मिक आघाडीचे प्रमुख आचार्य तुषार भोसले यांनी अजित पवारांवर टीका केली. धर्मवीर छत्रपती संभाजी महाराज हे हिंदू समाजाचे स्वाभिमान, अस्मिता आहेत. अजित पवार यांनी छत्रपती संभाजी महाराजांचा अपमान केल्यामुळे या पदावर राहण्याचा नैतिक अधिकार नाही. असे बोलण्याचा अधिकार अजित पवार यांना कुणी दिला? अजित पवार यांनी तातडीने माफी मागावी आणि राजीनामा द्यावा, असे तुषार भोसले यांनी म्हटले आहे. काय म्हणाले भाजप आमदारछत्रपती संभाजी महाराजांचा इतिहास ज्या नेत्याला माहीत नाही ते महाराष्ट्राचे दुर्दैव आहे. छत्रपती संभाजी महाराजांनी शेवटच्या श्वासापर्यंत धर्म बदलला नाही. औरंगजेबाने त्यांचे हाल केले, त्यांनी धर्मांतर करावे म्हणूनच हाल केले. पण संभाजी महाराजांना धर्माचा अभिमान होता. त्यांनी धर्मासाठी प्राणांची आहुती दिली. धर्माकरीता त्यांना वेदना सहन कराव्या लागल्या. म्हणूनच त्यांना जगात धर्मवीर म्हणून मान्यता आहे. धर्मवीर छत्रपती संभाजी महाराज अशी महाराजांची जगात ओळख आहे. अजितदादांनी जे विधान केले, त्याबद्दल खरेतर त्यांची रवानगी पाकिस्तानमध्ये केली पाहिजे, अशी संतप्त प्रतिक्रिया भाजपचे माजी आमदार नरेंद्र पवार यांनी केली आहे. रोहित पवारांचे दिले प्रत्युत्तरराष्ट्रवादी काँग्रेसचे नेते आणि आमदार रोहित पवार यांनी भाजपकडून होत असलेल्या टीकेचा समाचार घेतला. तुम्ही शब्दांशी खेळत बसू नका. त्यामागची भावना समजून घ्या. राज्यपालांनी आणि भाजपच्या प्रवक्त्याने छत्रपती शिवाजी महाराजांचा अवमान केला. तेव्हा तुम्ही शांत का होता? अशी विचारणा रोहित पवार यांनी केली. तत्पूर्वी, विधानसभेत बोलताना अजित पवार यांनी, आपण महाराष्ट्रामध्ये राहत असून इथे अंधश्रद्धेला खतपाणी घातले जात नाही. तसेच 'बाल शौर्य पुरस्कार' हा किमान स्वराज्यरक्षक छत्रपती संभाजी महाराज यांच्या जयंतीदिनी देण्याची घोषणा मुख्यमंत्र्यांनी करावी, अशी मागणीही त्यांनी केली. छत्रपती संभाजी महाराज हे स्वराज्यरक्षक होते, धर्मवीर नव्हते. त्यांनी धर्माचा कधीच पुरस्कार केला नाही, असे अजित पवार यांनी स्पष्ट शब्दात सांगितले. संभाजी महाराजांचा उल्लेख हा स्वराज्यरक्षक असाच करावा, असेही अजित पवार यांनी म्हटले.

लाईव्ह न्यूज :

युद्धविरामाच्या चर्चेला पूर्णविराम

भोंदू खरात... ईडी... सीडीआर...

'बारामती' बिनविरोध?

IPL मैदानातून...

PM नरेंद्र मोदी

CM देवेंद्र फडणवीस

एकनाथ शिंदे

लोकमत ई-पेपर

शहरं

मनोरंजन

व्हिडीओ

अमोल मिटकरीFOLLOW

Read more

महाराष्ट्र : Amol Mitkari : लाखो हिंदू तरुण बेरोजगार केले, मोदीजी व शहांना नक्कीच खूश केले; राष्ट्रवादीचा खोचक टोला

महाराष्ट्र : Maharashtra Politics: NCPतील अंतर्गत धुसफूस शमेना! मिटकरींची मोहोडांविरोधात सायबर सेलकडे धाव; वाद टोकाला

अकोला : Amol Mitkari: मिटकरींवरील आरोप गंभीर, चौकशी करणार; विखे पाटलांनी स्पष्टच सांगितलं

महाराष्ट्र : Maharashtra Political Crisis: NCPतील कलह तीव्र! अमोल मिटकरींनी बजावली ५ कोटींची नोटीस; मोहोड म्हणाले, ‘मैं झुकेगा नहीं’

महाराष्ट्र : आमदार अमोल मिटकरीच आमच्या संपर्कात! मंत्री अब्दुल सत्तार यांचा टोमणा

महाराष्ट्र : स्त्री सन्मानावरून जगाला ज्ञानामृत पाजणाऱ्या सुप्रिया सुळे आणि रूपाली चाकणकर आहेत तरी कुठे?

मुंबई : '१२ आमदार राष्ट्रवादीच्या संपर्कात, ते सरकार सोडून येण्याच्या मनस्थितीत'; अमोल मिटकरींच्या दाव्यानं खळबळ

अकोला : बंडखोर आमदार जयंत पाटलांच्या संपर्कात, मिटकरींनी सांगितला राष्ट्रवादीचा प्लॅन

महाराष्ट्र : निधीसाठी अमोल मिटकरी कमिशन घेतात, राष्ट्रवादीच्या पदाधिकाऱ्यांची जयंत पाटलांकडे तक्रार

महाराष्ट्र : Maharashtra Political Crisis: “मिटकरींना राष्ट्रवादीत काय अधिकार? आधी जयंत पाटलांशी बोलून घ्यावं”; भाजपचा पलटवार