अमित शाहFOLLOW

कणकवली: सिंधुदुर्गातील दहशतवाद आम्ही यापूर्वीच गाडून टाकलाय. तरीही शिवसैनिकांवर हल्ले झाले तर पुन्हा एकदा कनेडी पॅर्टन दाखविल्याशिवाय राहणार नाही. शिवसेना संपविण्याचा कट नरेंद्र मोदी आणि अमित शहा यांनी रचला आहे. मात्र, शिवसेना संपविण्यासाठी ज्यांनी ज्यांनी प्रयत्न केले त्यांना शिवसैनिक कधीही सोडणार नाहीत.असे प्रतिपादन खासदार संजय राऊत यांनी येथे केले. शिवसेनेचे खासदार संजय राऊत यांचे कणकवली पटवर्धन चौकात सिंधुदुर्ग जिल्हा शिवसेनेकडून स्वागत करण्यात आले. यावेळी ते बोलत होते. गुरुवारी सकाळी लागलेल्या 'इलाका तेरा ,धमाका मेरा' या बॅनर नंतर या दौऱ्याची उत्सुकता लागून राहिली होती. कणकवलीत आल्यानंतर संजय राऊत यांनी राणेंसह शिंदे गटावर देखील टीका केली. यावेळी खासदार विनायक राऊत, आमदार वैभव नाईक, माजी महापौर दत्ता दळवी, जिल्हाप्रमुख संजय पडते, महिला जिल्हाप्रमुख नीलम सावंत, जिल्हा बँकेचे माजी अध्यक्ष सतीश सावंत, कोकण सिंचन महामंडळाचे माजी उपाध्यक्ष संदेश पारकर, अतुल रावराणे, युवा सेना जिल्हाप्रमुख सुशांत नाईक, मंदार शिरसाट, युवा सेना तालुकाप्रमुख उत्तम लोके, तालुका समन्वयक तेजस राणे, राजू राठोड, सचिन सावंत, जान्हवी सावंत, नगरसेवक कन्हैया पारकर, शहर प्रमुख प्रमोद मसुरकर, उमेश वाळके, शिल्पा खोत, तालुकाप्रमुख मंगेश लोके यांच्यासह अनेक पदाधिकारी कार्यकर्ते उपस्थित होते. यावेळी शिवसैनिकांकडून जोरदार घोषणाबाजी करण्यात आली.संजय राऊत म्हणाले, शिवसेनाप्रमुख बाळासाहेब ठाकरे यांनी माकडांची माणसे केली. अनेक माणसांना त्यांनी सरदार बनवले. परंतु काहींनी शिवसेनेच्या पाठीत वार केले. आता तर शिवसेना संपविण्यासाठी शिवसेना पक्षप्रमुख उद्धव ठाकरे यांच्या पाठीवर वार केले आहेत. कोकणातील माणसांनी, चाकरमान्यांनी रक्ताचे पाणी करून शिवसेना वाढवली. खरे तर शिवसेना या चार नावामुळे आम्ही सर्व नेतेमंडळी नावारूपाला आलो. राणे, शिंदे यांनाही शिवसेनेमुळेच ओळख मिळाली. केंद्र आणि राज्यातील भाजप आघाडीचं सरकार सुडाचे राजकारण करतंय. मला तुरूंगात टाकले. शिवसेनेत राहिलेल्या आमदारांवर खोटे खटले दाखल केले जात आहेत. आमदारांची चौकशी केली जातेय. पण जे सरकार भ्रष्टाचारातून उभे राहिले ते आमच्या आमदारांची काय चौकशी करणार?राज्याचे मुख्यमंत्री एकनाथ शिंदे यांच्या वर्षा येथील जेवणावळीवर तीन महिन्यात तब्बल ३ कोटी रूपये खर्च झाला आहे. माहिती अधिकारातून ही बाब उघड झाली आहे.उद्धव ठाकरे अडीच वर्षे मुख्यमंत्री होते, वसंतराव नाईक ११ वर्षे मुख्यमंत्री होते. पण जेवणावळीवर तीन कोटींचा खर्च करणारे शिंदे हे पहिलेच मुख्यमंत्री आहेत असेही संजय राऊत म्हणाले.यावेळी विनायक राऊत, वैभव नाईक , दत्ता दळवी, सतीश सावंत, जान्हवी सावंत,अतुल रावराणे, संदेश पारकर यांनी मनोगत व्यक्त केले.

लाईव्ह न्यूज :

महा(पालिका)संग्रामाचा 'धुरळा'

ठाकरेंची एकी, मविआत फूट

फडणवीसांचं 'मिशन इलेक्शन'

मुंबई-ठाण्यात शिंदेंसेनेची कसोटी

सत्ताधारी-विरोधकांची 'चाय पे चर्चा'

बिबट्याची दहशत

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

अमित शाहFOLLOW

Read more

राष्ट्रीय : 'भारताला कधीच हिंदू राष्ट्र होऊ देणार नाही', काँग्रेस नेत्याचे थेट मोदी-शहांना आव्हान

संपादकीय : अमित भाईंचा ‘सिग्नल’, मुख्यमंत्र्यांची तब्येत!

मुंबई : 'अमित शहांचा अजित पवारांवर विश्वास, म्हणूनच गृहमंत्री पुण्यात त्यांच्या सूटमध्ये थांबले'

राजकारण : अमित शाहांचे नेमके वय किती ते माहीत नाही, पण...; शिवसेनेची भाजपावर बोचरी टीका

महाराष्ट्र : अमित शाह समोरच गिरीश बापट आणि चंद्रकांत पाटील यांच्यात शीतयुद्ध | Chandrakant Patil vs Girish Bapat

महाराष्ट्र : बार बार कहा, नरेंद्र मोदी, अमित शहा ! Ramdas Athawale | Amit Shah | Narendra Modi

महाराष्ट्र : हिम्मत असेल 105 आमदारांचे राजीनामे द्या, राऊतांचे अमित शहांना प्रतिआव्हान | Sanjay Raut On Amit Shah

संपादकीय : आजचा अग्रलेख: दोन सरली, तीन उरली!

महाराष्ट्र : 'आमचे उद्योग पळवणे आधी बंद करा'; सुभाष देसाईंची अमित शहांवर टीका