अजित पवारFOLLOW

कोल्हापूर : ‘गोकुळ’च्या अध्यक्ष निवडीच्या माध्यमातून महायुतीतील नेत्यांनी एकीची वज्रमूठ दाखविण्याचा प्रयत्न केला असला तरी आगामी स्थानिक स्वराज्य संस्थांच्या निवडणुकीत ही वज्रमूठ टिकण्याची शक्यता धूसर आहे. सर्व पक्षांतील इच्छुकांची संख्या पाहता महायुतीमध्येच टोकाचा संघर्ष पाहावयास मिळणार असून, सात तालुक्यात राष्ट्रवादी काँग्रेस , भाजप, शिंदेसेनेतच सरळ सामना होणार हे निश्चित आहे.स्थानिक राजकारणातही महायुतीचे वर्चस्व राहिले पाहिजे, जिल्ह्यातील सगळी सत्ताकेंद्रे आपल्याकडेच हवीत असा अट्टाहास वरिष्ठ नेतृत्वाचा आहे. ‘गोकुळ’ दूध संघाच्या अध्यक्ष निवडीतून त्याची सुरुवात केल्याने महायुतीच्या स्थानिक नेत्यांचा आत्मविश्वास चांगलाच दुणावला आहे. महापालिका, जिल्हा परिषद, पंचायत समिती, नगरपालिकांच्या निवडणुकीत महायुतीने एकसंधपणे राहून स्थानिक स्वराज्य संस्थांवर महायुतीचा झेंडा फडकविण्याचा निर्धार नेत्यांनी केला आहे.पण, विधानसभा, लोकसभेपेक्षा स्थानिक स्वराज्य संस्थांचे राजकारण कमालीचे क्लिष्ट असते. ही निवडणूक स्थानिक प्रश्नांसह उमेदवारांभोवती फिरत असते. राज्य व देश पातळीवरील मुद्द्यांची येथे चर्चाही होत नाही. त्यात, महायुतीमध्ये पक्षांसह इच्छुकांची भाऊगर्दी झाली आहे. भाजप, राष्ट्रवादी काँग्रेस , शिंदेसेना, जनसुराज्य, रिपाइं या पक्षांच्या इच्छुकांनी आधिच शड्डू ठोकले आहेत. त्यात सत्तेची ताकद मिळणार असल्याने हौसे-नवशांची नावेही पुढे येणार आहेत.‘करवीर’ वगळता इतर ठिकाणी त्रांगडेकरवीर तालुक्यात आमदार चंद्रदीप नरके व आमदार अमल महाडिक यांची ताकद आहे. येथे राष्ट्रवादी काँग्रेसची ताकद मर्यादित आहे. दोघेही राष्ट्रवादीसाठी एक-दोन जागा सोडून ताकदीने पुढे जाऊ शकतात. मात्र, कागल, राधानगरी, भुदरगड, चंदगड, आजरा, गडहिंग्लज, शिरोळ तालुक्यात महाविकास आघाडीचे आव्हान नव्हे, तर महायुतीतील पक्षांचे राहील.‘मनपा’चा फार्म्युला?महापालिकेसाठी महायुतीच्या नेत्यांची रणनीती ठरली आहे. एका प्रभागात चार उमेदवार राहणार आहेत. येथे भाजप, शिंदेसेना, राष्ट्रवादी काँग्रेसचे तीन आणि ज्या पक्षाची अधिक ताकद आहे, त्यांचा चौथा उमेदवार असेल, असा फार्म्युला ठरल्याचे समजते.दृष्टिक्षेपात रणांगण...जिल्हा परिषद : कोल्हापूरपंचायत समिती : करवीर, पन्हाळा, कागल, शाहूवाडी, हातकणंगले, शिरोळ, गडहिंग्लज, चंदगड, आजरा, भुदरगड, राधानगरी, गगनबावडा.नगरपालिका : कागल, मूरगूड, पन्हाळा, मलकापूर, पेठवडगाव, जयसिंगपूर, गडहिंग्लज.नगरपंचायती : हुपरी, हातकणंगले, चंदगड, आजरा.शाहू छत्रपतींच्या नेतृत्वाखाली इंडिया आघाडीजिल्ह्यात खासदार शाहू छत्रपती व आमदार सतेज पाटील यांनी इंडिया आघाडीची चांगली मोट बांधली आहे. शाहू छत्रपती यांच्या नेतृत्वाखाली सगळ्यांना एकत्रित ठेवण्याचा प्रयत्न आहे.जिल्हाध्यक्षांच्या मतदारसंघातच संघर्षराष्ट्रवादी काँग्रेसचे जिल्हाध्यक्ष बाबासाहेब पाटील यांच्या ‘आसुर्ले’, तर नाथाजी पाटील यांच्या ‘आकुर्डे’ मतदारसंघात अनुक्रमे जनसुराज्य व शिंदेसेना, राष्ट्रवादी या पक्षांशी त्यांना दोन हात करावे लागणार आहेत.महायुती म्हणून ताकदीने निवडणुकांना सामोरे जाणार आहे. एखाद्या ठिकाणी अडचण आली तर नेते बसून मार्ग काढतील. - बाबासाहेब पाटील-आसुर्लेकर (जिल्हाध्यक्ष, राष्ट्रवादी काँग्रेस) जास्तीत जास्त ठिकाणी आम्ही महायुती म्हणून ताकदीने लढणार आहोत. जिथे शक्य नाही तिथे मैत्रीपूर्ण लढत होऊ शकते. -नाथाजी पाटील (जिल्हाध्यक्ष भाजप)

लाईव्ह न्यूज :

नगरपरिषदांवर महायुतीचा झेंडा

आता 'मिशन महापालिका'

CM फडणवीसांची 'आकडेमोड'

ठाकरेंचं ठरलंय, मविआचं बिघडलंय

शिंदेंसेनेचं 'बार्गेनिंग'

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

अजित पवारFOLLOW

Read more

पुणे : उपमुख्यमंत्री अजित पवारांना कार्यक्रमाला बोलावणार? गोपीचंद पडळकरांनी स्पष्टच सांगितलं...

महाराष्ट्र : ऐनवेळी भाषणास संधी नाही, अजितदादांचा मोठा निर्णय; म्हणाले, “मी अन् एकनाथरावांनी ठरवलेय की...”

महाराष्ट्र : आता अशा 'लाडक्या बहि‍णींना' १५०० रुपयांऐवजी केवळ ५०० रुपयेच मिणार? अजित पवारांनी स्पष्टच सांगितलं!

महाराष्ट्र : महायुतीत भाषणावरून नाराजीनाट्य? कार्यक्रमपत्रिका बदलली; शिंदे, पवारांना संधीच नाही

पुणे : तिघे वेगवेगळ्या पार्श्वभूमीतील, खडखड होणारच; चंद्रकांत पाटलांनी नाराजीचा चेंडू भिरकावला

पुणे : ब्रम्हदेवाचे नाव घेऊन घाबरवायला निघालेल्यांना पळवून लावा; पुरंदर विमानतळ होऊ देऊ नका - बी. जी. कोळसे-पाटील

महाराष्ट्र : अमित शाह यांच्याशी चर्चेनंतर शिंदे म्हणाले, 'महायुतीत धुसफुस नाही, खूशखूश आहे'

पुणे : डोक्याने क्रॅक आहेस का, मी मगासपासून...; 'त्या' प्रश्नाने संयम सुटताच अजितदादांची तुफान फटकेबाजी

पुणे : “काका लोकांना विश्वासात घ्यावं लागतं” शरद पवारांसोबत भेटीनंतर आज बारामतीत अजित पवार म्हणाले…