लोकमत न्यूज नेटवर्कडोंबिवली : कल्याण-मलंग रोडवर असलेल्या अडीवली ढोकळी येथे शुक्रवारी सायंकाळी पोलिसांनी टाकलेल्या छाप्यात तिघांना अटक करण्यात आली. त्यांच्याकडून १० राउंडसह दोन गावठी कट्टे जप्त केले आहेत.कल्याण पूर्वेकडील मलंग रोडवरील आडीवली ढोकळी येथील काही तरु णांकडे गावठी कट्टे असल्याची माहिती मानपाडा पोलिसांना मिळाली होती. या माहितीनुसार मानपाडा पोलीस ठाण्याचे अधिकारी सागर ढिकाले व त्यांच्या सहकाऱ्यांनी आडीवली येथील गजानन पाटील चाळीत छापा टाकला. चाळीतील एक नंबरच्या खोलीत त्यांना १० राउंड व दोन गावठी कट्टे सापडले. याप्रकरणी पोलिसांनी दुर्गा साह (४०), अजय चौबे (३०), संजीव चौबे (२१) यांना अटक केली. ते तिघे मूळचे बिहारचे रहिवासी आहेत.
गावठी कट्टे, राउंडसह तिघे अटकेत
By admin | Updated: June 18, 2017 02:15 IST