ठाणे विभागाला अजिंक्यपद रिदमिक जिम्नॅस्टिक स्पर्धा : वेंगुर्लेतील क्रीडा संकुलात आयोजन

स्पर्धेतील विविध प्रकार व वयोगटनिहाय प्रथम तीन क्रमांक पटकाविणारे खेळाडू

वेंगुर्ले : वेंगुर्ले तालुका क्रीडा संकुलाच्या पॅव्हेलियन हॉलमध्ये झालेल्या राज्यस्तरीय रिदमिक जिम्नॅस्टिक स्पर्धेत ठाणे विभागाने अजिंक्यपद पटकाविले.राज्य जिम्नॅस्टिक असोसिएशन व जिल्हा जिम्नॅस्टिक असोसिएशन यांच्या संयुक्त विद्यमाने आयोजित २६वी रिदमिक जिम्नॅस्टिक राज्य अजिंक्य स्पर्धेची रविवारी सांगता झाली. या स्पर्धेसाठी पंच म्हणून छत्रपती पुरस्कार विजेत्या पूजा सुर्वे, स्मिता सुर्वे, जान्हवी वर्मा, तेजळ, तांबे, सीमा खोंड, मानसी सुर्वे, मधुरा तांबे, अमरजा ब्रह्मे, अर्चना चिटणीस, विभूती जोशी, यशिता परब, श्रेयस शिरोडकर, ईशा तायडे, निष्ठा शहा, कल्याणी तांबे, संगीता कार्ले, मोलिका चोपडा यांनी काम पाहिले. विजेत्यांना नगराध्यक्ष प्रसन्ना कुबल, वेंगुर्ला स्पोर्ट्स क्लबचे राजन गिरप, जिल्हा जिम्नॅस्टिक असोसिएशन अध्यक्ष नंदन वेंगुर्लेकर, उपाध्यक्ष डॉ. वसुधा मोरे, राज्य संघटनेच्या सचिव सविता मराठे, राजेश रेडीज, राजेश घाटवळ, शैलेश नवार, हेमंत गावडे यांच्या हस्ते गौरविण्यात आले. (प्रतिनिधी)