कुमार बडदे, लोकमत न्यूज नेटवर्क, मुंब्राः दूध पोहचवण्यासाठी गेलेल्या ४५ वर्षाच्या व्यक्तीचा इमारतीच्या लिफ्टच्या डक मध्ये पडून मृत्यु झाल्याची घटना मुंब्रा शहरातील कौसा भागातील अलमास कॉलनी परीसरात मंगळवारी घडली. जटाशंकर पाल असे मृताचे नाव आहे. सकाळी डकमध्ये पडलेल्या पाल याचा मृतदेह रात्री साडे आठ वाजण्याच्या सुमारास स्थानिक रहिवाशांना आढळुन आला. याप्रकरणी मुंब्रा पोलिसांनी अकस्मात मृत्यूची नोंद केली असुन अधिक तपास सुरु आहे.
मुंब्रा, कौसा येथील चांदनगर नगर मधील जरीना अपार्टमेंन्ट या इमारतीच्या बी विंग मध्ये असलेल्या दूध डेरी मधील पाल हा अलमास कॉलनीतील अनमोल अपार्टमेंटमध्ये या इमारती मध्ये सकाळी दुध पोहचवण्यासाठी गेला होता. तेव्हा इमारतीच्या लिफ्टच्या डकमध्ये तो पडला होता. त्याचा मृतदेह रात्री साडेआठ वाजता आढळून आला.पोलिसांनी कायदेशीर कार्यवाही करुन मृतदेह शवविच्छेदनासाठी कळव्यातील छत्रपती शिवाजी महाराज रुग्णालयात पाठवला. याप्रकरणी मुंब्रा पोलिस ठाण्यात आकस्मित मृत्यूची नोंद करण्यात आली असून,पोलिस पुढील कारवाई करत आहेत.