ठाणे : ज्या परिचारिकेने स्वत:चा जीव धोक्यात घालून कोरोनाग्रस्त रु ग्णांची सेवा केली. तिच्यावरच कोरोनाग्रस्त होण्याची वेळ आली. तिच्यावरील हे संकट एवढ्यावरच थांबले नाही, तर तिच्यावरील उपचाराचे भले मोठे बिलही तिच्या हातात दिले. रु ग्णांची सेवा करणाºया या कोरोना योद्धीकडे स्वत:वरील उपचाराचे बिल देण्याएवढेही पैसे नव्हते. परंतु माणुसकी नसलेल्या रु ग्णालयाने तेही माफ करण्यास असमर्थता दर्शविल्याने अखेर इतर कर्मचाऱ्यांनी वर्गणी गोळा करून त्या रु ग्णालयाची अनामत रक्कम भरली असल्याची धक्कादायक माहिती समोर आली आहे. लोकमान्यनगर भागात राहणारी एक महिला ठाणे महानगर पालिकेच्या छत्रपती शिवाजी महाराज रु ग्णालयात वैद्यकीय कर्मचारी या पदावर काम करते. दुर्दैवाने रु ग्णालयात सेवा बजावत असतानाच कोरोनाबधित रु ग्णाच्या संपर्कात आल्याने तिलाही कोरोनाची लागण झाली. त्यामुळे पालिकेने घोषित केलेल्या ठाणे पाचपाखडी येथील एका खासगी रु ग्णालयात तिला उपचारासाठी दाखल करण्यात आले. गेले चार दिवस या रु ग्णालयात तिच्यावर उपचार सुरू आहेत. मात्र रु ग्णालयात उपचारासाठी दाखल करताच तिच्याकडून रु ग्णालय प्रशासनाने अनामत रक्कम म्हणून २४ हजार रु पये भरण्यासाठी सांगितले. तिच्याजवळ ते नसल्याने काही दिवसांनी बंदोबस्त करून भरते असे तिने सांगितले. मात्र रु ग्णालय प्रशासन रोज तिच्याकडे अनामत रक्कम भरण्यासाठी तगादा लावत असल्याने या अवस्थेतही कोरोना बाधित परिचारिकेने तिच्या मैत्रिणीकडून कर्ज काढून काहींकडून वर्गणी जमा करून रु ग्णालयाने मागितलेली अनामत रक्कम भरली आहे. मात्र कोरोना बाधित रु ग्णाला सगळ्यात जास्त मानसिक आधाराची गरज असताना पैशांसाठी तिच्यामागे तगादा लावणे हे एका प्रकारे रु ग्णाचा छळच असल्याचे कामगार नेते रवी राव यांचे म्हणणे आहे. परिचारिकेवर उपचार सुरू असून तिच्यावरील उपचाराचे बिल लाखाच्या घरात गेले असल्याची शक्यता वर्तविली जात आहे.दरम्यान ज्या रु ग्णालयात कोरोना बाधित परिचारिकेचा उपचार सुरू आहे. त्या रु ग्णालय व्यवस्थापकांनी ठाणे महानगर पालिकेकडून अनेक सुविधा लातल्या आहेत. ट्रस्ट दाखवून पालिका आणि सरकारकडून सवलती मिळविल्या आहेत. गरिबांसाठी या रु ग्णालयात २० टक्के बेडस उपलब्ध करून देणार असल्याचे बंधनकारक असतानाही रु ग्णलाय व्यवस्थापकांकडून नियम भंग केला जात आहे. जनसेवा करणाºया कर्मचाºयांवर जनता फुलांचा वर्षाव करून आणि टाळ्या वाजवून लोक अशा अत्यावश्यक सेवा करणाºयांचे आभार व्यक्त करत आहेत, तर दुसरीकडे असे खासगी रु ग्णालये त्यांची लूट करीत आहेत. असा आरोप या रु ग्णालय प्रशासनावर होत आहे. तर उपचार सुरू असलेल्या या परिचारिकेला रोज १० हजार रु पये जमा करण्याची सक्ती केली जात आहे. त्यामुळे या आजारातून कसे बरे व्हायचे असा सवाल तिच्यासमोर उभा राहिला आहे.
- मुंबई महानगर पालिका अत्यावश्य सेवा देणाऱ्या कर्मचाऱ्यासाठी मोफत राहण्याची व्यवस्था करत आहे. रु ग्णालयात त्यांच्यावर मोफत उपचार होत आहेत. ठाण्यात देखील अत्यावश्यक सेवा देणाऱ्याना या सुविधा मिळायला हव्यात. ठाणे महानगर पालिकेच्या परिचारिकेचा पैशांसाठी छळ करणाऱ्या रु ग्णालयावर कारवाई व्हावी. अन्यथा युनियनचा एकही आरोग्य कर्मचारी कर्तव्यावर हजर होणार नाही.- रवी राव, अध्यक्ष, म्युनिसिपल लेबर युनियन