मुंबई विद्यापीठाच्या ठाणे उपकेंद्राला महापालिका देणार २० कोटींचा निधी

मुंबई विद्यापीठाच्या ठाण्यातील उपकेंद्रासाठी ठाणे महापालिकेने मदतीचा हात पुढे केला आहे. त्यानुसार उपकेंद्रासाठी २० कोटींचा निधी देण्याची तयारी पालिकेने केली आहे.

ठळक मुद्देइतर सुविधाही पुरविल्या जाणारजादा शिक्षक नियुक्ती करण्याची डावखरे यांची कुलगुरुकंडे मागणी

ठाणे - मुंबई विद्यापीठाच्याठाणे उपकेंद्रात आणखी इमारत उभारण्यासाठी ठाणे महापालिकेकडून २० कोटी रुपयांचा निधी दिला जाईल, अशी घोषणा महापालिकेचे आयुक्त संजीव जयस्वाल यांनी गुरुवारी केली. उपकेंद्राला निधी देण्याबरोबरच आणखी सुविधाही पुरविण्यात येणार आहेत. या प्रस्तावाला महासभेची मान्यता घेण्यात येणार असल्याचेही आयुक्तांनी स्पष्ट केले.                    कोकण पदवीधर मतदारसंघाचे आमदार अ‍ॅड. निरंजन डावखरे यांच्या पुढाकारानुसार, मुंबई विद्यापीठाच्या ठाणे उपकेंद्रातील अडचणी सोडविण्याबाबत महापालिकेत बैठक घेण्यात आली. या बैठकीला कुलगुरु डॉ. सुहास पेडणेकर, भाजपचे नगरसेवक मनोहर डुंबरे, माजी प्र-कुलगुरु डॉ. नरेशचंद्र, डॉ. अजय भामरे, उपकेंद्राचे प्रभारी चंद्रशेखर मराठे आदी उपस्थित होते. ठाणे उपकेंद्रात बीबीए, एलएलबी व बीएमएस, एमबीए अभ्यासक्र म सुरु असून ३५० हून अधीक विद्यार्थी शिक्षण घेत आहेत. मात्र, बीबीए, एलएलबी अभ्यासक्र मासाठी पूर्णवेळ शिक्षक कमी असल्यामुळे विद्यार्थ्यांची अडचण होत होती. या मुद्द्यासंदर्भात आमदार डावखरे यांनी उपकेंद्राला १९ आॅक्टोबर रोजी भेट घेतली होती. त्यावेळी उपकेंद्रातील गैरसोयी त्यांच्या समोर आल्या होत्या. त्यांनी याबाबत प्रभारी संचालक डॉ. चंद्रशेखर मराठे यांच्याबरोबर चर्चा केली. त्यावेळी त्यांनी पालिका प्रशासनाकडे काही प्रश्न प्रलंबित असल्याचे स्पष्ट केले होते. उपकेंद्राकडे जाणारा रस्ता, टीएमटी बससेवेची अपुरी संख्या, विद्यापीठाकडे जाण्यासाठी दिशानिर्देश करणारे फलक आदींबाबत चर्चा झाली होती. या प्रश्नांसंदर्भात डावखरे यांनी पालिका आयुक्त संजीव जयस्वाल यांचे लक्ष वेधले होते. त्यानुसार महापालिकेत ही बैठक घेण्यात आली.                 त्यानुसार उपकेंद्रात आणखी एक इमारत उभारण्यासाठी २० कोटी रु पयांचा निधी दिला जाईल. उपकेंद्राच्या इमारतीची ओसी, टीएमटी बससेवेच्या वाढीव फेऱ्या, उपकेंद्राकडे जाण्यासाठी पक्का रस्ता, दिशादर्शक फलक आदींचे काम सुरू केले जाईल असेही सांगितले. या प्रस्तावाला महापालिकेच्या महासभेत मान्यता घेतली जाईल, असे आश्वासन आयुक्तांनी यावेळी दिल्याची माहिती डावखरे यांनी दिली.जादा शिक्षक नियुक्तीचाआग्रहठाणे येथील उपकेंद्रात शिक्षकांच्या अपुºया संख्येमुळे अडचणी येत असल्याकडे आमदार डावखरे यांनी कुलगुरु पेडणेकर यांचे लक्ष वेधले. तसेच जादा शिक्षकांच्या नियुक्तीची मागणी केली. त्यावेळी याबाबत लवकरात लवकर निर्णय घेण्याचे आश्वासन त्यांनी यावेळी दिले.