उल्हासनगर : महापालिका प्रांगणात आयुक्त तथा प्रशासक अजीज शेख यांच्या हस्ते महाराष्ट्र दिनी ध्वजारोहण झाले. यावेळी आमदार कुमार आयलानी, परिवहन समितीचे सभापती सुभाष तानवडे, अतिरिक्त आयुक्त करुणा जुईकर, उपायुक्त अशोक नाईकवाडे, सुभाष जाधव, शहर अभियंता प्रशांत साळुंके, जनसंपर्क अधिकारी छाया डांगळे, पालिका सचिव प्राजक्ता कुलकर्णी यांच्यासह पक्ष पदाधिकारी उपस्थित होते.
उल्हासनगरात महाराष्ट्र दिनाचे औचित्य साधून विविध कार्यक्रमांचे आयोजन केले होते. महापालिका प्रांगणात ध्वजारोहणचा मुख्य सोहळा पार पडला. आयुक्त अजीज शेख यांच्या हस्ते ध्वजारोहण झाले. तर प्रांत कार्यालयात आमदार कुमार आयलानी यांच्या हस्ते ध्वजारोहण झाले. यावेळी प्रांत अधिकारी जयराज कारभारी, सहायक पोलिस आयुक्त मोतीचंद राठोड, वरिष्ठ पोलीस अधिकारी, तहसिलदार कोमल ठाकूर, समाजसेवक लक्ष्मण राठोड, प्रांत कार्यालयातील कर्मचारी, विविध पक्षाचे पदाधिकारी यावेळी उपस्थितीत होते. तर पोलीस उपायुक्त कार्यालयाच्या प्रांगणात पोलीस उपायुक्त सुधाकर पठारे यांच्या हस्ते ध्वजारोहण झाले. मध्यवर्ती रुग्णालय, सार्वजनिक बांधकाम विभाग, सहायक पोलीस आयुक्त, तहसिलदार कार्यालय यासह शासकीय व निमशासकीय कार्यलये, शाळा महाविद्यालय, सामाजिक संघटना आदी ठिकाणी मोठ्या उत्सवात महाराष्ट्र दिनी ध्वजारोहण झाले.