ठाणे: वर्तकनगर पोखरण रोड नंबर १ येथील भीमनगर परिसरात गुरुवारी रात्री ११ वाजण्याच्या सुमारास तेथील काही नागरिकांना बिबट्या फिरत असल्याचे निर्दशनास आले. बिबट्याच्या या अचानक झालेल्या दर्शनामुळे नागरिकांमध्ये घबराटीचे वातावरण पसरले होते.
त्या बिबट्याने कोणालाही दुखापत केलेली नाही. तरीसुद्धा त्या परिसरातील नागरिकांना खबरदारीच्या सूचना देण्यात आल्या आहे. याची माहिती मिळताच वर्तकनगर पोलीस कर्मचारी, वनविभागाचे अधिकारी व आपत्ती व्यवस्थापन कक्षाच्या कर्मचाऱ्यांनी घटनास्थळी धाव घेतली होती.