चोपडा चौकात रविवारी रात्री काही मुलांची भांडणे सुरू होती. यावेळी पडघणे यांनी भांडण सोडवून त्यांच्या ओळखीच्या असलेल्या दिनेश नरवडे याला घरी पाठवले. मात्र नरवडे याने मदत करणाऱ्या पडघणे यांच्या विरोधात मध्यवर्ती पोलीस ठाण्यात अदखलपात्र गुन्हा दाखल केला होता. यातूनच जाब विचारण्यासाठी गेलेल्या पडघणे यांच्यावर चाकू हल्ला झाला.
---------------------------
रिक्षा चोरीला
उल्हासनगर : कॅम्प नं. ४ दत्तात्रय व्यायाम शाळा परिसरात राहणारे कृष्णाकुमार वाल्मिकी यांनी गुरूवारी रात्री १० वाजता त्याच परिसरात रिक्षा उभी केली होती. मात्र, शुक्रवारी सकाळी तेथे त्यांना रिक्षा आढळली नाही. शोधाशोध करूनही ती न सापडल्याने त्यांनी रिक्षा चोरीला गेल्याची तक्रार विठ्ठलवाडी पोलीस ठाण्यात दिली आहे. त्यानुसार गुन्हा दाखल झाला आहे. अधिक तपास पोलीस करीत आहेत.
---------------------------
गावठी कट्ट्यासह एकाला अटक
उल्हासनगर : कॅम्प नं. २ एस. व्ही. पान शॉप समोरील दूध डेअरी येथे रविवारी दुपारी ४ वाजता उभ्या असलेल्या प्रदीप तिवारी या संशयित व्यक्तीची उल्हासनगर पोलिसांनी झाडाझडती घेतली. यावेळी त्याच्याकडे देशी बनावटीचा गावठी कट्टा, एक काडतूस आढळले. अवैधरित्या शस्त्र विक्री करण्यासाठी स्वतःजवळ बाळगल्याप्रकरणी तिवारी याला अटक करून गुन्हा दाखल केला. अधिक तपास पोलीस करीत आहेत.
--------------------------