कल्याण : पूर्वेतील हाजीमलंग रोडवरील शास्त्रीनगरमधील सीताबाई चाळ येथे राहणारे शुभम सनगर यांनी त्यांची दुचाकी शुक्रवारी ते राहत असलेल्या चाळीच्या बाहेरील रोडवर पार्क केली होती. तेथून ती गाडी चोरीला गेली आहे. याप्रकरणी शुभम यांनी दिलेल्या तक्रारीवरून कोळसेवाडी पोलीस ठाण्यात गुन्हा नोंद झाला आहे.
------------------------------------
वाहनचोरी
डोंबिवली : ठाकुर्ली पूर्वेतील म्हसोबा चौकात अश्विनी केसरकर हिने शुक्रवारी दुचाकी उभी केली होती. तेथून ती गाडी चोरीला गेली असून तिने याप्रकरणी दिलेल्या तक्रारीवरून रामनगर पोलीस ठाण्यात गुन्हा नोंद करण्यात आला आहे.
-------------------------------------
मोफत सॅनिटायझेशन
डोंबिवली : कोरोनाचा वाढता प्रादुर्भाव पाहता पलावा सिटी डाऊनटाऊन, तळोजा क्रॉऊन सिटी सेक्टर ४ आणि आजूबाजूच्या गावातील प्राप्त झालेल्या सूचनांची दखल घेत मनसेचे आमदार प्रमोद पाटील यांच्या मार्गदर्शनाखाली खोणी गावातील समाजसेवक महेश रोहिदास ठोंबरे, ग्रामपंचायत सदस्य जयश्री ठोंबरे आणि मुकुंद ठोंबरे आदींच्या माध्यमातून ऑर्चिड (क्राउनसिटी), इविवा, क्लारा अद्रिना, अरबानो, संपूर्ण डाउनटाउन सोसायटीसह आजूबाजूच्या परिसरात मोफत सॅनिटायझेशन करण्यात आले.
----------------------------------------