उल्हासनगर : महापालिकेचे वरिष्ठ सुरक्षारक्षक कैलास अहिरे यांना कोरोनाची लागण झाल्याने ठाणे येथील रुग्णालयात उपचार सुरू होते. उपचारादरम्यान त्यांचे बुधवारी निधन झाले. महापालिका कामगार संघटनेने अहिरे यांना श्रद्धांजली वाहिली.
---------------------
दोन मुलांचे अपहरण
उल्हासनगर : कॅम्प नं.-५ परिसरातील मुलांच्या सरकारी बालगृहातून १५ व १७ वर्षांचे मुलगे कोणालाही काहीही न सांगता २५ फेब्रुवारी रोजी रात्री नऊ वाजता निघून गेले. त्यांचा शोध न लागल्याने अखेर हिललाइन पोलीस ठाण्यात अपहरणाचा गुन्हा दाखल झाला. पोलीस अधिक तपास करीत आहेत.
------------------------
नाईकवाडे यांची उपायुक्तपदी नियुक्ती
उल्हासनगर : महापालिकेच्या उपायुक्तपदी अशोक नाईकवाडे यांची नियुक्ती केली आहे. महापालिका आयुक्त डॉ. राजा दयानिधी यांनी त्यांच्याकडे मुख्यालय उपायुक्त पदाचा पदभार सोपविला आहे. शहराच्या विकासासाठी काम करणार असल्याची प्रतिक्रिया त्यांनी दिली.
--------------------