शहरं
Join us  
Trending Stories
1
मंत्री छगन भुजबळांना खाते मिळाले; आदेशाचा फोन खणखणताच लागलीच मुंबईकडे निघाले...
2
ज्यांनी ट्रेनिग दिले त्यांनाच डसला! AI ने मायक्रोसॉफ्ट कर्मचाऱ्यांच्या नोकऱ्या घालविल्या
3
पीडित तरुणीचे आरोपीवर प्रेम, लग्नही केले; सर्वोच्च न्यायालयाला बदलावा लागला आपलाच निर्णय...
4
बीडमधील पवनचक्की प्रकल्प पुन्हा चर्चेत; सुरक्षारक्षकांचा चोरट्यांवर गोळीबार, एक ठार
5
मोठी घटना! भारतीय खासदारांचे विमान लँड होणार, तेवढ्यात युक्रेनने विमानतळावर केला हल्ला
6
"तिला घटस्फोट दे, नाहीतर तुला जिवे मारू’’, पत्नीच्या प्रियकराने दिलेल्या धमकीमुळे पती घाबरला, त्यानंतर...  
7
बिटकॉइन म्हणजे काय? ते कोण बनवतं? बँकेशिवाय कसं काम करतं? वाचा!
8
Vaishnavi Hagawane Death Case : राजेंद्र हगवणे अटकेआधी कुठे-कुठे फिरला?, समोर आली मोठी माहिती
9
मोठा खुलासा! ज्योती मल्होत्राने देशातील 'या' प्रसिद्ध मंदिरात घेतलेलं दर्शन, फोटोही कढले अन्...
10
IPL 2025 गाजवून बिहारच्या घरी परतला वैभव सूर्यवंशी; साऱ्यांनी केलं धमाकेदार स्वागत (Video)
11
2014 पूर्वी पाकिस्तानला योग्य उत्तर दिले नाही, BSF च्या कार्यक्रमातून अमित शाहांचा हल्लाबोल
12
'पाकिस्तान जिंदाबाद,' चिकलठाण्यात शिकाऊ कामगाराचे कंपनीतील मशीनवर देशद्रोही लिखाण!
13
‘हुंडामुक्त महाराष्ट्र - हिंसामुक्त कुटुंब’, सुप्रिया सुळे यांनी केला राज्यव्यापी लढ्याचा निर्धार, २२ जून पासून होणार सुरुवात
14
'शालू'च्या नव्या डान्सने घातला इंटरनेटवर धुमाकूळ, राजेश्वरीच्या मॉडर्न लूकवर खिळल्या सर्वांच्या नजरा
15
Shani Pradosh 2025: शनि प्रदोष आणि शनि जयंतीच्या मुहूर्तावर सलग १३ दिवस करा 'हा' प्रभावी उपाय!
16
हद्द झाली! भलत्याच देशाची छायाचित्रे, व्हिडीओ दाखवून ट्रम्प दक्षिण आफ्रिकेच्या राष्ट्रपतींना भिडले; तरी रामाफोसा म्हणत होते...
17
Shani Pradosh 2025: वैवाहिक जीवन सुखी व्हावे म्हणून 'असे' करा शनि प्रदोष व्रत; बघा व्रताचरण!
18
"आई मी चिप्सची पाकीटं चोरली नाही"; दुकानदाराचं बोलणं जिव्हारी लागलं, चिठ्ठी लिहून मुलानं आयुष्य संपवलं!
19
"मला सलमाननेच बोलावलं होतं!"; गॅलेक्सीमध्ये घुसखोरी करणाऱ्या ३२ वर्षीय मॉडेलचा मोठा दावा, म्हणाली-
20
"शिवराज्याभिषेक सोहळा ६ जून रोजी साजरा करण्याची पद्धत बंद करा आणि...", संभाजी भिडे यांचं विधान

एक सदस्यीय निवडणूक पद्धतीत अपक्षांचा होणार बोलबाला

By लोकमत न्यूज नेटवर्क | Updated: August 27, 2021 04:43 IST

अजित मांडके ठाणे : ठाणे, मुंबई आदींसह इतर काही महत्त्वाच्या महापालिकांच्या आगामी निवडणुका या एक सदस्यीय पद्धतीनेच घेतल्या ...

अजित मांडके

ठाणे : ठाणे, मुंबई आदींसह इतर काही महत्त्वाच्या महापालिकांच्या आगामी निवडणुका या एक सदस्यीय पद्धतीनेच घेतल्या जाणार असल्याने यामध्ये बंडखोरी अधिक होऊन अपक्षांसाठी दारे खुली होण्याची शक्यता आहे. ठाणे महापालिकेच्या मागील सार्वत्रिक निवडणुकीत चार सदस्यीय पद्धतीमुळे एकही अपक्ष निवडून आला नव्हता. परंतु आता एक सदस्यीय पद्धतीमुळे अपक्षांचा भाव तर वधारणार आहेच; शिवाय या निवडणुकीतून पालिकेवर अपक्ष निवडून जाण्याची शक्यतादेखील जास्त दिसत आहे.

कोरोनाचा प्रार्दुभाव कमी झाल्याने निवडणुकीचा धुरळा आता उडणार आहे. ठाणे महापालिकेच्या निवडणुका आता सहा महिन्यांवर येऊन ठेपल्या आहेत. परंतु एक प्रभाग पद्धतीने अनेकांचे अवसान गळाले आहे. त्यातही या निवडणुकीत २०११ ची लोकसंख्या ग्राह्य धरण्यात आल्याने नव्याने प्रभाग वाढण्याची शक्यता मावळली आहे. २०२१ ची लोकसंख्या गृहीत धरली असती, तर विद्यमान प्रभागांमध्ये सुमारे २५ प्रभागांची भर नव्याने पडली असती. परंतु आता ती आशा फोल ठरली आहे. त्यामुळे ठाणे महापालिका हद्दीत नव्याने प्रभाग वाढणार नसल्याचेच स्पष्ट झाले आहे. सध्या जेवढे १३१ प्रभाग आहेत, त्यानुसारच ही निवडणूक प्रक्रिया पार पाडली जाणार असल्याचे जवळजवळ निश्चित झाले आहे. त्यामुळे नव्याने प्रभाग रचनेची वाट पाहणाऱ्या अनेक हवशागवशांचे अवसान गळून पडले आहे. आता प्रभाग रचना कशी होणार, याकडे सर्वांच्या नजरा लागल्या आहेत.

मागील निवडणूक ही चार सदस्यीय पद्धतीने झाल्याने त्याचा फटका अपक्षांना बसला होता. या निवडणुकीत एकही अपक्ष महापालिकेत निवडून गेला नव्हता. परंतु आता एक सदस्यीय पद्धतीमुळे अपक्षांना पुन्हा संधी मिळणार आहे. पक्षाने तिकीट नाकारले तरी, त्याच प्रभागात आपली ताकद आजमावत अपक्ष म्हणून निवडणूक लढविण्याची तयारी सुरू झाली आहे. त्यामुळे येत्या काही दिवसांत या अपक्षांचा भाव वधारला जाणार असून, त्यांना महापालिकेत निवडून जाण्याची संधी यामुळे मिळणार असल्याचे दिसत आहे. थोडक्यात काय तर, या एक सदस्यीय पद्धतीमुळे अपक्षांना थोपवण्याचे आव्हान विविध पक्षांपुढे असणार आहे.