शहरं
Join us  
Trending Stories
1
उज्ज्वल निकम आता यापुढे संतोष देशमुख प्रकरणाची केस लढणार नाहीत? पण कारण काय? चर्चांना उधाण
2
राजीनामा-शासन भिकारी, माणिकराव कोकाटेंच्या विधानावर CM फडणवीसांची प्रतिक्रिया; म्हणाले...
3
Video : चाकू काढला आणि ३२ हजारांचा लेहेंगा फाडला, दुकानदाराला म्हणाला, 'तुलाही असाच फाडेन'; कल्याणमधील व्हिडीओ व्हायरल
4
IND vs ENG: शुभमन गिल की सचिन तेंडुलकर? ३५ कसोटीनंतर कोण वरचढ? पाहा आकडे!
5
६२ वर्षांच्या सेवेनंतर मिग-२१ लढाऊ विमान निरोप घेणार; १९६५ च्या युद्धात पाकिस्तानला टक्कर दिलेली
6
स्वतःचं घर बांधण्याचं स्वप्न पाहताय? 'सेल्फ-कन्स्ट्रक्शन होम लोन' कसं मिळवायचं, व्याजासह प्रक्रिया जाणून घ्या
7
Deep Amavasya 2025: आषाढ अमावास्येला दिव्यांची आवस म्हणतात, गटारी नाही; धर्मशास्त्र सांगते...
8
ट्रेन सुटली तरीही वाया जात नाही तुमचं तिकीट...! रेल्वेचा हा नियम तुम्हाला कदाचितच माहित असेल
9
शिंदेंच्या शिवसेनेचे आमदार चंद्रकांत पाटील यांना पोलिसांनी घेतले ताब्यात, मुक्ताईनगर बंद
10
Viral Video: महाकाय अजगराला जांभई देताना कधी पाहिलंय का? दृश्य पाहून तुम्हालाही भरेल धडकी...
11
जावेसोबतच्या भांडणाचा राग अन् संपूर्ण कुटुंबाला संपवण्याचं षडयंत्र; पिठात विष मिसळलं, पण...
12
भारतीय कुटुंबांची 'बचत' सवय मोडली? ५० वर्षांतील सर्वात कमी बचत दर, गव्हर्नर मल्होत्रा म्हणाले असं असेल तर..
13
बिहारमधील नेत्यासाठी जगदीप धनखड यांचा राजीनामा, काँग्रेस नेत्याचा नवा दावा
14
IPO मध्ये १ लाख गुंतवले, आता त्याचे राहिले फक्त ₹३,२००; कसं मोठ्या आयपीओंनी बनवलं गुंतवणुकदारांना कंगाल
15
"पंडित नेहरुंनी मांडीवर बसवलं, गुलाबाचं फूल दिलं", सचिन पिळगावकरांचा हा किस्सा माहितीये का?
16
Rajasthan Accident: देवदर्शनाहून परतताना भीषण अपघात; पाच ठार, चार जण जखमी!
17
"राजीनामा तर द्यावाच लागेल..."; कृषिमंत्री माणिकराव कोकाटेंचा नवा व्हिडिओ आला समोर
18
“यालाही हनी ट्रॅप म्हणायचे का?”; फोटोला फोटोने उत्तर, ठाकरे गटाच्या आरोपावर भाजपाचा पलटवार
19
सोने, चांदी, बिटकॉइन स्वस्त होणार? रॉबर्ट कियोसाकी यांचा मोठा दावा; वॉरेन बफेही 'त्या' क्षणाची वाट पाहतायेत?
20
एअर इंडियाच्या बोईंग जेटच्या फ्युएल कंट्रोल स्विचची तपासणी पूर्ण; समोर आली महत्त्वाची माहिती

कल्याण-डोंबिवलीची वाहतूककोंडी सोडविण्यावर भर

By लोकमत न्यूज नेटवर्क | Updated: July 14, 2021 04:44 IST

कल्याण : कल्याण-डोंबिवलीतील वाहतूककोंडी सोडविण्यासाठी शहाड उड्डाणपुलाचे चौपरीकरण, कल्याण पूर्व-पश्चिमेला जोडणारा ४०० कोटींचा एलिव्हेटेड पूल आणि नेवाळी नाक्यावरील उड्डाणपूल ...

कल्याण : कल्याण-डोंबिवलीतील वाहतूककोंडी सोडविण्यासाठी शहाड उड्डाणपुलाचे चौपरीकरण, कल्याण पूर्व-पश्चिमेला जोडणारा ४०० कोटींचा एलिव्हेटेड पूल आणि नेवाळी नाक्यावरील उड्डाणपूल यांना गती देण्यासाठी कल्याणचे शिवसेनेचे खासदार डॉ. श्रीकांत शिंदे यांनी पुढाकार घेतला आहे. त्यासाठी त्यांनी सोमवारी एमएमआरडीए आयुक्तांसोबत मुंबईतील कार्यालयात बैठक घेतली.

केडीएमसीचे आयुक्त डॉ. विजय सूर्यवंशी, शिवसेनेचे माजी नगरसेवक विश्वनाथ राणे, दीपेश म्हात्रे आणि राजेश मोरे आदी यावेळी उपस्थित होते. शिंदे म्हणाले, कल्याण-नगर मार्गाचे चौपदरीकरण केले जाणार आहे. या मार्गावरील वालधुनी पूल चौपदरी झाला आहे. शहाड येथील दुपदरी असलेल्या रेल्वे उड्डाणपुलाच्या चौपदरीकरणाची मागणी एमएमआरडीएकडे केली आहे. त्याचा डीपीआर तयार करण्याचे आदेश एमएमआरडीएने सूर्यवंशी यांना दिले आहेत. डीपीआर तयार झाल्यावर पुलासाठी किती खर्च होईल हे स्पष्ट होईल.

ते पुढे म्हणाले, कल्याण पूर्व-पश्चिमेला जोडणारा एलिव्हेटेड पूल हा पुणे लिंक रस्त्यावरून विठ्ठलवाडी येथून पश्चिमेतील भवानी चौकात उतरणार आहे. त्याचा डीपीआर तयार असून, रेल्वेकडून मंजुरी आवश्यक आहे. दुसरीकडे कल्याण-मलंग रस्त्याचे रुंदीकरण झाले आहे. हा रस्ता अंबरनाथ-शीळ रस्त्यास नेवाळी नाक्यावर मिळतो. नेवाळी नाक्यावरील कोंडी सोडवण्यासाठी तेथे उड्डाणपूल उभारण्याची मागणी केली आहे. त्याचाही डीपीआर लवकर तयार केला जाणार आहे.

दुर्गाडी ते टिटवाळा रिंगरोड प्रकल्प जेथे संपतो तेथून पुढे मुरबाड-गोवेली नाक्यावर रस्ता नेण्यासाठी डीपीआर तयार करण्याचीही मागणी केली आहे. मोठागाव ठाकुर्ली ते दुर्गाडी या रिंगरोडच्या तिसऱ्या टप्प्याची निविदा येत्या आठवड्यात निविदा काढली जाईल, असे प्रशासनाने स्पष्ट केले आहे. तर, काटई ते मोठागाव ठाकुर्ली या टप्प्यासाठी भूसंपादनाची प्रक्रिया केडीएमसी आयुक्तांनी सुरू करावी, असे एमएमआरडीएने सूचित केले आहे, असे शिंदे यांनी सांगितले.

शहरांशी कनेक्टिव्हिटी वाढेल

सगळे प्रकल्प मार्गी लागल्यास कल्याण-डोंबिवलीतील वाहतूककोंडी सुटेल. पत्रीपूल, वडवली पूल आणि दुर्गाडी खाडी पुलाचे काम झाले आहे. मोठागाव ठाकुर्ली ते माणकोली खाडीपुलाचे काम प्रगतिपथावर आहे. तसेच रिंगरोड, शहाड उड्डाणपूल, कल्याणचा एलिव्हेटेट पूल आणि आणि नेवाळी उड्डाणपूल झाल्यास चहूबाजूंनी ठाणे, मुरबाड-नगर, कल्याण-डोंबिवली, नवी मुंबई आणि अंबरनाथ-बदलापूर शहरांशी कनेक्टिव्हिटी वाढेल, असा विश्वास खासदार शिंदे यांनी व्यक्त केला आहे.

-----------