बदलापूर : बदलापूर पश्चिमेतील सोनिवली येथे उभारलेल्या डॉ. बाबासाहेब आंबेडकर स्मारकाच्या परिसरात वृक्षारोपण मोहीम राबवून वृक्ष संवर्धनाचा संदेश देण्यात आला. आंबेडकर स्मारक समिती अध्यक्ष आमदार किसन कथोरे यांच्या संकल्पनेतून ही वृक्षारोपण मोहीम राबविण्यात आली.
रविवारी दुपारी आमदार किसन कथोरे यांच्या प्रमुख उपस्थितीत ही वृक्षारोपण मोहीम राबविण्यात आली. स्मारक परिसरात वृक्षारोपण व वृक्ष संवर्धन मोहीम राबविल्यामुळेच पर्यावरण रक्षणासाठी मदत होणार आहे. पर्यावरण बाबत जनजागृती होणार आहे. त्याचबरोबर स्मारक परिसराच्या सौंदर्यात भरही पडणार आहे. त्यामुळे सर्वांनी वृक्षारोपण करण्याचा तसेच त्यांचे संवर्धन करण्याचा संकल्प करू या, असे आवाहन आमदारांनी उपस्थितांना केले. स्मारकाच्या उभारणीचे काम चांगल्या दर्जाचे व्हावे यासाठी आपण प्रयत्न करीत असून लवकरच स्मारकातील उद्यान सर्वांसाठी खुले करण्यात येणार आहे. भिक्खू निवास व इतर कामे दोन महिन्यांत पूर्ण होतील, असा विश्वासही त्यांनी व्यक्त केला. यावेळी माजी नगराध्यक्ष राजेंद्र घोरपडे, माजी उपनगराध्यक्ष शरद तेली, भाजप जिल्हा चिटणीस संभाजी शिंदे, शहराध्यक्ष संजय भोईर, माजी नगरसेवक ज्ञानेश्वर घोरपडे, स्वामी दारविन, किरण भोईर, अविनाश भोपी, प्रणिता कुलकर्णी, हेमंत चतुरे, माजी सरपंच सुखदेव गायकवाड आदी उपस्थित होते.
-------
फोटो आहेत