लोकमत न्यूज नेटवर्क
ठाणे : जिल्ह्यात शुक्रवारी कोरोनाचे २९० रुग्ण आढळले आहेत. जिल्ह्यात आता दोन लाख ५७ हजार ११२ रुग्णांची नोंद झाली. दिवसभरात दोन रुग्णांचा मृत्यू झाला असून जिल्ह्यातील मृतांची संख्या सहा हजार १९८ झाली आहे. ठाणे शहरात ८१ रुग्ण आढळल्याने येथील रुग्ण संख्या आता ५९ हजार ९४३ झाली आहे. शहरात एकाचा मृत्यू झाल्यामुळे मृत्यूची संख्या एक हजार ३६९ झाली. कल्याण - डोंबिवलीत ८० रुग्णांची वाढ झाली असून एकही मृत्यू नाही. आता ६० हजार ९६१ रुग्ण बाधीत असून एक हजार १७९ मृत्यूची नोंंद आहे. उल्हासनगरमध्ये आठ रुग्ण सापडले असून एकही मृत्यू नाही. येथील बाधितांची संख्या ११ हजार ७२९ झाली. तर, ३६८ मृतांची नोंद आहे. भिवंडीला बाधीतसह एकही मृत्यू नाही. आता बाधीत सहा हजार ६८७ असून मृतांची संख्या ३५४ आहे. मीरा भाईंदरमध्ये १७ रुग्ण आढळले असून एकही मृत्यू नाही. या शहरात बाधितांची संख्या २६ हजार ५२२ असून मृतांची संख्या ८०१ आहे.
अंबरनाथमध्ये एक रुग्ण आढळला असून एकही मृत्यू नाही. येथे बाधीत आठ हजार ६४१ असून मृत्यू ३१२ आहेत. बदलापूरमध्ये १५ रुग्णांची नोंद झाल्यामुळे बाधीत नऊ हजार ५१० झाले आहेत. या शहरात एकही मृत्यू नसल्यामुळे मृत्यूची संख्या १२५ कायम आहे. ग्रामीणमध्ये दहा रुग्णांची वाढ झाली असून एकही मृत्यू नाही.आता बाधीत १९ हजार ३१२ आणि आतापर्यंत ५९० मृत्यू झाले आहेत.