पेन्शनर संघटनेच्या वर्धापनदिनी स्पर्धा

केंद्र सरकारमधून निवृत्त झालेल्या कर्मचारी आणि अधिकाऱ्यांच्या संघटनेचा दहावा स्थापना दिन मोठ्या उत्साहात साजरा करण्यात आला.

अंबरनाथ : केंद्र सरकारमधून निवृत्त झालेल्या कर्मचारी आणि अधिकाऱ्यांच्या संघटनेचा दहावा स्थापना दिन मोठ्या उत्साहात साजरा करण्यात आला. यावेळी संघटनेतील सदस्यांच्या कुटुंबीयांसाठी विविध स्पर्धा घेण्यात आाल्या. तसेच संघटनेच्या सदस्यांनी मनोरंजनाचे कार्यक्रम करत या कार्यक्रमाची रंजकता वाढवली.अंबरनाथमध्ये सेंट्रल गव्हर्न्मेंट पेन्शनर असोसिएशनच्या पुढाकाराने हा कार्यक्रम आयोजित केला होता. सीजीएस रुग्णालयाच्या मैदानावर तो पार पडला. अंबरनाथ आयुध निर्माण कारखान्यातून निवृत्त झालेल्या कर्मचाऱ्यांचा या संघटनेत मोठ्या प्रमाणात सहभाग आहे. या ज्येष्ठांनी एकत्रित येऊन या संघटनेची स्थापना करुन ज्येष्ठांसाठी उपक्रम राबविण्यास सुरूवात केली. या उपक्रमाचाच एक भाग म्हणून संघटनेच्या दहाव्या वर्धापन दिनानिमित्त सांस्कृतिक कार्यक्रम, ज्येष्ठांसाठी विविध स्पर्धा आणि स्रेहभोजनाचे आयोजन करण्यात आले होते. या स्पर्धेतील विजेत्यांना नगरसेवक प्रदीप पाटील यांच्या हस्ते पारितोषिके देण्यात आली. (प्रतिनिधी)