९० सदस्यसंख्या असलेल्या भिवंडी महापालिकेत काँग्रेसचे ४६ नगरसेवक निवडून आले होते. मात्र, अंतर्गत गटबाजीमुळे काँग्रेसच्या १८ नगरसेवकांनी राष्ट्रवादीत प्रवेश केल्याने शहरात काँग्रेसची वाताहत झाली. दुसरीकडे भाजपकडे २० नगरसेवक असतानाही त्यांनी अवघ्या चार नगरसेवक असलेल्या कोणार्क आघाडीला बिनशर्त पाठिंबा दिला होता. भाजपकडे असलेले विरोधी पक्षनेते पद व सभागृह नेतेपद कोणार्कने खेचून घेत सभागृह नेतेपदी आरपीआय इंदिसे गटाचे प्रदेश सरचिटणीस, नगरसेवक विकास निकम यांची नियुक्ती केली आहे.
नुकत्याच झालेल्या महासभेत भाजपचे शाम अग्रवाल यांच्याकडे असलेले सभागृह नेतेपद महापौर प्रतिभा विलास पाटील यांनी काढून घेतले होते. सभागृह नेतेपद हिसकावून घेतल्याने भाजपमध्ये प्रचंड खळबळ उडाली आहे. विशेष म्हणजे काही दिवसांपूर्वी भाजपकडे असलेले विरोधी पक्षनेते पददेखील महापौरांनी काढून घेत राष्ट्रवादीत दाखल झालेल्या मतलूब सरदार खान यांच्याकडे सोपविले होते. मात्र, त्यांच्या नियुक्तीवर आक्षेप आल्याने आयुक्तांनी मनपातील विरोधी पक्षनेत्यांचे दालन सील केले. विशेष म्हणजे चार नगरसेवक असलेल्या कोणार्ककडे महापौर पद, तर चार नगरसेवक असलेल्या आरपीआय इंदिसे गटाकडे सभागृह नेतेपद सोपविल्याने आरपीआय इंदिसे गटात उत्साहाचे वातावरण आहे.
.......................
‘विकासासाठी प्रयत्न करणार’
महापौरांनी आपल्यावर दाखविलेल्या विश्वासाला कोणताही तडा जाऊ न देता शहर विकासासाठी प्रामाणिक प्रयत्न करू, अशी प्रतिक्रिया नवनिर्वाचित सभागृह नेते विकास निकम यांनी दिली आहे.
===Photopath===
170321\screenshot_20210317-151837_whatsapp.jpg
===Caption===
भिवंडी महानगरपालिकेचे सभागृह नेतेपद आरपीआय इंदिसे गटाकडे ; सभागृह नेतेपदी विकास निकम यांची नियुक्ती