भिवंडीत ‘पोलीस तुमच्या दारी’ उपक्रमास सुरुवात

भिवंडी : शिवजयंतीचे औचित्य साधून शुक्रवारी शांतीनगर पाेलीस ठाणे हद्दीतील नुरीनगर पहाडी, गणेश मंदिराजवळ वाॅर्ड क्रमांक ३ येथे ‘पाेलीस तुमच्या दारी, तुमचे संरक्षण आमची जबाबदारी’ उपक्रमांतर्गत महिला सुरक्षेविषयी बैठक पार पडली. या बैठकीला माेठ्या प्रमाणावर महिला उपस्थित हाेत्या. मुलींवरील अत्याचार, छेडछाड, नशेखाेरांना त्रास याबाबत महिलांनी मनात भीती न बाळगता तक्रार देण्यास पुढे यावे व महिला अधिकाऱ्यांना संपर्क साधावा. तक्रारदारांचे नाव गुप्त ठेवण्यात येईल, असा विश्वास यावेळी देण्यात आला. काेराेनाच्या पार्श्वभूमीवर मास्कचा वापर, हातांची स्वच्छता आणि गर्दीच्या ठिकाणी न जाण्याच्या सूचना देण्यात आल्या. या बैठकीला शांतीनगर पोलीस ठाण्याचे वरिष्ठ पोलीस निरीक्षक शीतल राऊत, महिला सहायक पाेलीस निरीक्षक फडतरे, पोलीस उपनिरीक्षक जाधव आदी उपस्थित हाेते.