ठाणे : वागळे इस्टेट येथील एका नामांकित हॉटेलमधील इमारतीमध्ये स्पा आणि मसाजपार्लरच्या नावाखाली सेक्स रॅकेट चालविणाºया प्रसाद शंकरन (४८, रा. मरोळ, मुंबई) या स्पाचालकाला ठाणे गुन्हे अन्वेषण विभागाच्या अनैतिक मानवी वाहतूक प्रतिबंधक कक्षाच्या पथकाने बुधवारी अटक केली. त्याच्या तावडीतून पाच पीडित तरुणींची सुटका केली आहे.
‘हॉटेल शरणम्’च्या पाचव्या माळ्यावर ‘केरळ आयुर्वेदिक ट्रीटमेंट सेंटर’ नावाचे स्पा चालविले जाते. येथे काही तरुणींकडून शरीरविक्रयाचा व्यवसाय करून घेण्यात येत असल्याची माहिती वरिष्ठ पोलीस निरीक्षक अशोक कडलग यांना मिळाली होती. त्या आधारे कडलग यांच्यासह सहायक पोलीस निरीक्षक शीतल मदने यांच्या पथकाने या स्पावर छापा टाकला. यावेळी काही तरुणींना पैशांचे आमिष दाखवून ग्राहकांशी शरीरसंबंध ठेवण्यास प्रवृत्त केले जात असल्याचे आढळले. ग्राहकांकडून पाच ते दहा हजार रुपये घेऊन या तरुणींना त्यातील काही वाटा देण्याचे आमिष दाखविले जायचे. हे रॅकेट चालविणाºया शंकरन याला अटक केली असून त्यांच्याकडून रोकड आणि काही सामग्री हस्तगत केली आहे. याप्रकरणी वागळे इस्टेट पोलीस ठाण्यात गुन्हा दाखल केला आहे.