उल्हासनगर : लोकसभा व विधानसभा निवडणुकीच्या पाश्वभूमीवर पक्ष प्रमुख मायावती यांनी प्रदेशाध्यक्षपदी परमेश्वर गोणारे यांची नियुक्ती केल्याची माहिती पक्षाचे प्रदेश महासचिव व मुंबई झोन प्रमुख प्रा. प्रशांत इंगळे यांनी लोकमतला दिली आहे. तसेच केंद्रातून खासदार रामजी गौतम यांना राष्ट्रीय समन्वयक व नितीन सिंग यांची महाराष्ट्र समन्वयक म्हणून नियुक्ती केली आहे.
बहुजन समाज पक्षाच्या प्रमुख मायावती यांनी गेल्या आठवड्यात लखनौ येथे बैठक घेऊन लोकसभा व विधानसभा निवडणुकीच्या पाश्वभूमीवर प्रदेशाध्यक्ष पदी परमेश्वर गोणारे याची नियुक्ती केली. तसेच प्रदेश उपाध्यक्षपदी अँड संदीप ताजने यांची नियुक्ती केल्याची माहिती पक्षाचे प्रदेश महासचिव व मुंबई झोन प्रमुख प्रा. प्रशांत इंगळे यांनी दिली आहे. तर राष्ट्रीय समन्वयकपदी केंद्रातून खासदार रामजी गौतम यांची तर नितीन सिंग यांची प्रदेश समन्वयक म्हणून नियुक्ती झाली.
महाराष्ट्र महासचिव व मुंबई कोकण झोन प्रभारी म्हणून डॉक्टर प्रशांत इंगळे यांची नियुक्ती झाली. याव्यतिरिक्त महाराष्ट्राची संपूर्ण कार्यकारणी नव्याने बनवण्यात आली असून महाराष्ट्र प्रदेश महासचिव व विदर्भ प्रभारी म्हणून अँड सुनील डोंगरे, मराठवाडा झोन प्रभारी व महासचिव पदी मनीष कावळे व महाराष्ट्र महासचिव व पश्चिम महाराष्ट्र झोन प्रभारी म्हणून डॉ हुलगेस चलवादी यांची नियुक्ती केली. अशी माहिती प्रदेश महासचिव व मुंबई झोन प्रमुख प्रा. प्रशांत इंगळे यांनी नियुक्ती बाबत माहिती दिली आहे.