Zebronics ZEB-FIT7220CH स्मार्टवॉच भारतात लाँच करण्यात आला आहे. या स्मार्टवॉचची खासियत म्हणजे या वॉचच्या माध्यमातून कॉल करता आणि उचलता येतील. यासाठी इनबिल्ट स्पिकर आणि माईक देण्यात आला आहे. त्याचबरोबर Zebronics ZEB-FIT7220C स्मार्टवॉचमध्ये SpO2 मॉनिटर, ब्लड प्रेशर मॉनिटर आणि हार्ट रेट मॉनिटर इत्यादी सेन्सर देखील मिळतात.
Zebronics ZEB-FIT7220CH ची किंमत
Zebronics ZEB-FIT7220CH ची किंमत 3,999 रुपये ठेवण्यात आली आहे. ही किंमत Amazon इंडियावर दिसत आहे, परंतु कंपनीच्या वेबसाईटवर हा वॉच 7,499 रुपयांमध्ये लिस्ट करण्यात आला आहे. हा स्मार्टवॉच ब्लॅक, ब्लू, गोल्ड आणि मेटॅलिक सिल्वर.
Zebronics ZEB-FIT7220CH चे स्पेसिफिकेशन्स आणि फीचर्स
Zebronics ZEB-FIT7220CH मध्ये 1.75 इंचाचा 2.5D कर्व्ड ग्लास डिस्प्ले देण्यात आला आहे. या वॉचमध्ये व्हॉइस कॉलिंगसाठी इनबिल्ट स्पीकर आणि माईक मिळतो. इतकेच नव्हे तर कॉलर आयडी, कॉल रिजेक्ट, रिसेन्ड कॉल आणि एसएमएस असे फीचर्स देखील या वॉचमधून वापरता येतील. 100 पेक्षा जास्त कस्टमाइज्ड वॉच फेससह येणाऱ्या या वॉचच्या मदतीने युजर स्मार्टफोनमधील म्यूजिक आणि कॅमेरा कंट्रोल करू शकतात. गुगल प्ले स्टोर आणि अॅप्पल अॅप स्टोरवर उपलब्ध असलेल्या ZEB-FIT 20 सीरीज अॅपच्या माध्यमातून या स्मार्टवॉचच्या इतर अनेक फीचर्सचा वापर करता येईल.
Zebronics ZEB-FIT7220CH मध्ये वॉकिंग, रनिंग, सायकलिंग, स्किपिंग, बॅडमिंटन, बास्केटबॉल आणि फुटबॉल इत्यादी सात स्पोर्ट्स मोड देण्यात आले आहेत. IP67 वॉटर आणि डस्ट रेजिस्टन्ससह येणार हा वॉच स्टेप्स, कॅलरी बर्न आणि डिस्टन्स कव्हर ट्रॅक करू शकतो. यात पेडोमीटर, कॅलरी काउंटर, डिस्टन्स ट्रॅकर, सेडेंटरी रिमायंडर आणि स्लीप मॉनिटर असे फिचर देखील देण्यात आले आहेत. 1.5 ते 2 तासांत चार्ज होणारा आणि 210mAh बॅटरी असलेला Zebronics ZEB-FIT7220CH सिंगल चार्जमध्ये 30 दिवसांचा स्टँडबाय टाइम देतो.