Vivo V23e 5G Phone Price: Vivo ने गेले काही दिवसांमध्ये आपल्या वाय सीरिजमध्ये अनेक फोन्स सादर केले आहेत. परंतु आता कंपनीने आपल्या व्ही सीरिजचा विस्तार करत नवीन 5G Phone थायलंडमध्ये सादर केला आहे. नवीन विवो फोन Vivo V23e 5G नावाने टेक मार्केटमध्ये लाँच झाला आहे. फोनमधील 44MP Selfie Camera ही याची खासियत आहे. परंतु त्याचबरोबर यात MediaTek Dimensity 810 चिपसेट, 8GB RAM आणि 50MP Rear Camera देखील मिळतो.
Vivo V23e 5G Phone चे स्पेसिफिकेशन्स
Vivo V23e 5G मध्ये 6.44 इंचाचा फुलएचडी+ अ‍ॅमोलेड डिस्प्ले मिळतो. प्रोसेसिंगसाठी यात मीडियाटेक डिमेन्सिटी 810 चिपसेटची ताकद देण्यात आली आहे. त्याचबरोबर 8GB RAM आणि 128GB स्टोरेज मिळते. ही स्टोरेज 1TB पर्यंत वाढवता येते. हा डिवाइस अँड्रॉइड 11 आधारित फनटच ओएस 12 वर चालतो. या ड्युअल सिम फोनमध्ये इन-डिस्प्ले फिंगरप्रिंट सेन्सर मिळतो. पॉवर बॅकअपसाठी 4,050एमएएचची बॅटरीला 44W फास्ट चार्जिंग सपोर्टसह देण्यात आली आहे.
Vivo V23e 5G मध्ये पॉवर पॅक कॅमेरा सेटअप देण्यात आला आहे. याची सुरुवात 44 मेगापिक्सलच्या सेल्फी कॅमेऱ्यापासून होते. तसेच फोनच्या बॅक पॅनलवर एलईडी फ्लॅशसह ट्रिपल कॅमेरा सेटअप देण्यात आला आहे. या सेटअपमध्ये 50 मेगापिक्सलचा प्रायमरी सेन्सर, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलची मॅक्रो लेन्स मिळते.
Vivo V23e 5G Phone ची किंमत
Vivo V23e 5G चा एकमेव 8GB RAM आणि 128 जीबी स्टोरेज असलेला व्हेरिएंट थायलंडमध्ये 12,999 THB मध्ये उपलब्ध झाला आहे. ही किंमत भारतीय चलनात 28,999 रुपयांच्या आसपास रूपांतरित होते. हा फोन भारतासह जागतिक बाजारात कधी उपलब्ध होईल हे मात्र अजून समोर आलं नाही.