ई-कॉमर्स प्लॅटफॉर्म फ्लिपकार्टने आपल्या फेस्टिव्ह सेलची घोषणा केली आहे. Flipkart Big Billion Days Sale 2021 च्या काळात काही नवीन स्मार्टफोन सादर केले जाणार आहेत. 24 सप्टेंबर ते 1 ऑक्टोबर पर्यंतच्या काळात Motorola, Oppo, Poco, Realme, Samsung आणि Vivo इत्यादी ब्रँड आपले नवीन स्मार्टफोन सादर करणार आहेत, याची माहिती बिग बिलियन डेजच्या मायक्रोसाईटवरून मिळाली आहे.
फ्लिपकार्ट बिग बिलियन डेज 2021 सेलसाठी एक पेज वेबसाईटवर लाईव्ह करण्यात आला आहे. या मायक्रोसाइटवरून 6 कंपन्या नवीन स्मार्टफोन लाँच करणार असल्याचे सांगण्यात आले आहे. यात Motorola, Oppo, Poco, Realme, Samsung आणि Vivo इत्यादी ब्रँड्सचा समावेश असेल. फ्लिपकार्टने सेलची अचूक तारीख अजून सांगितली नाही.
मायक्रोसाइटवरील ‘Reveal Calendar’ सेक्शनमध्ये 6 स्मार्टफोन कंपन्यांच्या लाँचची माहिती मिळाली आहे. यात Realme Narzo 50 सीरीज 24 सप्टेंबरला लाँच केला जाईल, Oppo पण आपला नवीन फोन 27 सप्टेंबरला लाँच करेल. Samsung चा आगामी स्मार्टफोन 28 सप्टेंबरला लाँच होईल आणि Poco व Vivo चे स्मार्टफोन्स 30 सप्टेंबरला ग्राहकांच्या भेटीला येतील. तर Motorola ब्रँडचा नवीन फोन 1 ऑक्टोबरला बाजारात येईल.
यातील रियलमी नार्जो 50 सीरीज 24 सप्टेंबरला लाँच होऊ शकते. Samsung Galaxy M52 5G फोन 28 सप्टेंबरला लाँच केला जाऊ शकतो. तर Oppo A55 या महिन्याच्या अखेरीस सादर केला जाऊ शकतो. नुकतीच नवीन पोकोची बातमी देखील समोर आली आहे. विवोची फ्लॅगशिप X70 सीरिज 30 सप्टेंबरला येणार असल्याची माहिती देखील समोर आली आहे. Motorola कोणता स्मार्टफोन सादर करणार आहे, हे मात्र अजून समजले नाही.