अ‍ॅमेझॉनने आपल्या फेस्टिवल सेलची घोषणा केली आहे. या सेलमधून अनेक स्मार्टफोन्स, गॅजेट्स आणि इतर वस्तूंवर मोठयाप्रमाणावर डील्स आणि ऑफर्स देण्यात येतील. आता सॅमसंगच्या एका फोनवरील जबरदस्त ऑफर्सची माहिती समोर आली आहे. पुढील आठवड्यात सुरु होणाऱ्या सेलमध्ये Samsung Galaxy S20 FE 5G स्मार्टफोन 14,000 रुपयांच्या डिस्काउंटसह विकत घेता येईल.
Samsung Galaxy S20 FE 5G वरील ऑफर्स
ग्रेट इंडियन सेलमध्ये हा स्मार्टफोन फक्त 36,999 रुपयांमध्ये विकत घेता येईल. सध्या या फोनची किंमत 50,999 रुपये आहे. त्याचबरोबर हा फोन एक्सचेंज ऑफर अंतर्गत देखील विकत घेता येईल आणि HDFC बँकेच्या डेबिट आणि क्रेडिट कार्डच्या EMI ट्रांसजेक्शनवर देखील सूट मिळेल.
Samsung Galaxy S20 FE 5G चे स्पेसिफिकेशन
Samsung Galaxy S20 FE 5G मध्ये 6.5 इंचाचा फुल HD+ डिस्प्लेसह देण्यात आला आहे. हा डिस्प्ले 1080×2400 पिक्सल आणि रिजोल्यूशन आणि 120Hz रिफ्रेश रेटसह येतो. फोनमध्ये सेल्फीसाठी पंच होल कटआउट आहे. तसेच प्रोसेसिंगसाठी सॅमसंगच्या या फोनमध्ये ऑक्टा-कोर Qualcomm Snapdragon 865 प्रोसेसर देण्यात आला आहे जो 8GB रॅमसह येतो. या स्मार्टफोनची 128GB इंटरनल स्टोरेज माइक्रोएसडी कार्डच्या माध्यमातून 1TB पर्यंत वाढवता येते.
Samsung Galaxy S20 FE 5G स्मार्टफोन Android 10 वर आधारित OneUI वर चालतो. Samsung Galaxy S20 FE 5G स्मार्टफोन IP68 रेटिंग सह येतो. कॅमेरा स्पेसिफिकेशन्स पाहता, यात ट्रिपल रियर कॅमेरा सेटअप देण्यात आला आहे. या फोनमध्ये 12 मेगापिक्सलचा मुख्य कॅमेरा आहे. त्याचबरोबर फोनमध्ये 8 मेगापिक्सलचा टेलीफोटो कॅमेरा आणि 12 मेगापिक्सलची अल्ट्रा वाइड अँगल लेंस मिळते. सेल्फीसाठी हा फोन 32 मेगापिक्सलच्या फ्रंट कॅमेऱ्याला सपोर्ट करतो. सॅमसंगच्या या फोनमध्ये 4500mAh ची बॅटरी मिळते जी 25W फास्ट चार्जला सपोर्ट करते.