Samsung नं भारतात आपला स्वस्त 5G स्मार्टफोन Galaxy F सीरिजमध्ये सादर केला आहे. Samsung Galaxy F23 5G स्मार्टफोन 5000mAh बॅटरी, 25W फास्ट चार्जिंग, 120Hz रिफ्रेश रेट, 6GB RAM आणि 50MP कॅमेऱ्यासह लाँच झाला आहे. विशेष म्हणजे कंपनीनं यात 5G कनेक्टिविटीसाठी 12 बँड दिले आहेत. चला जाणून घेऊया Galaxy F23 स्मार्टफोनची किंमत, स्पेसिफिकेशन्स आणि फिचर्सची माहिती.
Samsung Galaxy F23 5G चे स्पेसिफिकेशन्स
कमी बजेटमध्ये देखील Samsung Galaxy F23 5G स्मार्टफोन दमदार स्पेक्ससह बाजारात आला आहे. हा फोन अँड्रॉइड 12 आधारित सॅमसंगच्या One UI 4.1 वर चालतो. कंपनीनं यात क्वालकॉमच्या Snapdragon 750G चिपसेटचा वापर केला आहे. सोबत ग्राफिक्ससाठी Adreno 619 GPU देण्यात आला आहे. सोबत 6GB पर्यंत RAM आणि 128GB पर्यंतची स्टोरेज मिळते. यातील पावर कुल टेक्नॉलॉजी गेमिंग परफॉर्मन्स सुधारते.
Samsung Galaxy F23 5G स्मार्टफोनमध्ये ट्रिपल रियर कॅमेरा सेटअप देण्यात आला आहे. ज्यात 50 मेगापिक्सलचा प्रायमरी कॅमेरा, 8 मेगापिक्सलची अल्ट्रावाईड अँगल लेन्स आणि 2 मेगापिक्सलचा मॅक्रो कॅमेरा देण्यात आला आहे. सेल्फी आणि व्हिडीओ कॉलिंगसाठी सॅमसंगनं 13 मेगापिक्सलचा फ्रंट कॅमेरा देण्यात आला आहे.
कनेक्टिव्हिटीसाठी 5G, 4G LTE, ड्युअल बँड वायफाय, Bluetooth 5.0, GPS, आणि USB Type-C पोर्ट देण्यात आला आहे. यात अन्य 5G फोन्स प्रमाणे यात एक-दोन बँड्स मिळत नाहीत तर हा फोन 12 बँड्सना सपोर्ट करतो. Samsung Galaxy F23 5G स्मार्टफोनमध्ये 5000mAh ची बॅटरी आणि 25W फास्ट चार्जिंगसह देण्यात आली आहे.
Samsung Galaxy F23 5G ची किंमत
Samsung Galaxy F23 5G स्मार्टफोनच्या 4GB रॅम आणि 128GB स्टोरेज मॉडेलची किंमत 14,999 रुपये ठेवण्यात आली आहे. या फोनचा 6GB रॅम आणि 128GB स्टोरेज मॉडेल 15999 रुपयांमध्ये विकत घेता येईल. 16 मार्चपासून हा फोन सॅमसंग शॉप आणि फ्लिपकार्टवरून विकत घेता येईल. लाँच ऑफर अंतगर्त ICIC बँक क्रेडिट कार्ड धारकांना 1000 रुपयांचा डिस्काउंट मिळेल.
हे देखील वाचा: