गेले कित्येक दिवस चर्चेत राहिल्यानंतर आज Samsung Galaxy F22 भारतात लाँच झाला आहे. सॅमसंगच्या एफ सीरिजमधील या स्मार्टफोनमध्ये 90Hz अॅमोलेड डिस्प्ले, 6000mAh बॅटरी आणि 48MP क्वाड कॅमेरा सेटअप असे दमदार स्पेसिफिकेशन्स देण्यात आले आहेत. कंपनीने या स्मार्टफोनच्या छोट्या व्हेरिएंटची किंमत 12,499 रुपये ठेवली आहे.
Samsung Galaxy F22 चे स्पेसिफिकेशन्स
सॅमसंग गॅलेक्सी एफ22 मध्ये 6.4-इंचाचा सुपर अॅमोलेड डिस्प्ले 90हर्ट्ज रिफ्रेश रेटसह देण्यात आला आहे. हा डिस्प्ले 20:9 अस्पेक्ट रेशियो आणि 720 x 1600 पिक्सल रिजोल्यूशनसह येतो. हा सॅमसंग स्मार्टफोन अँड्रॉइड 11 ओएसवर चालतो. प्रोसेसिंगसाठी या स्मार्टफोनमध्ये MediaTek Helio G80 चिपसेट देण्यात आला आहे.
Samsung Galaxy F22 फोटोग्राफीसाठी क्वॉड रियर कॅमेऱ्याला सपोर्ट करतो. फोनच्या मागे एलईडी फ्लॅशसह 48 मेगापिक्सलचा प्राइमरी सेन्सर, 8 मेगापिक्सलचा अल्ट्रा वाईड अँगल सेन्सर, 2 मेगापिक्सलचा मॅक्रो सेन्सर आणि 2 मेगापिक्सलचा डेप्थ सेन्सर देण्यात आला आहे. या सॅमसंग फोनमध्ये 13 मेगापिक्सलचा फ्रंट कॅमेरा मिळतो. Samsung Galaxy F22 मध्ये पावर बॅकअपसाठी 6,000एमएएचची मोठी बॅटरी देण्यात आली आहे. ही बॅटरी 15वॉट फास्ट चार्जिंगला सपोर्ट करते.
Samsung Galaxy F22 ची किंमत
सॅमसंग गॅलेक्सी एफ22 भारतात दोन व्हेरिएंट्समध्ये लाँच केला गेला आहे. या स्मार्टफोनचा पहिला सेल 13 जुलै रोजी 12 वाजता Flipkart वर सुरु होईल. फोनच्या 4 जीबी रॅम+ 64 जीबी इंटरनल स्टोरेज व्हेरिएंटची किंमत 12,499 रुपये आहे. तर 6 जीबी रॅम+ 128 जीबी इंटरनल स्टोरेज व्हेरिएंट सॅमसंगने 14,499 रुपयांमध्ये लाँच केला आहे. Samsung Galaxy F22 चा छोटा व्हेरिएंट 13 जुलैला 11,499 रुपयांच्या इंट्रोडक्टरी किंमतीत विकत घेता येईल.