Samsung आपल्या गॅलेक्सी ए सीरिजमध्ये स्वस्त स्मार्टफोन सादर करते. आता या सीरिजचा विस्तार करण्याची तयारी सुरु आहे. कंपनी लवकरच Samsung Galaxy A04s स्मार्टफोन सादर करणार आहे. जो मॉडेल नंबर SM-A047F सह गीकबेंचवर दिसला आहे. आता तर Samsung Galaxy A04s चे रेंडर देखील ऑनलाइन लीक झाले आहेत.
Samsung Galaxy A04s चे रेंडर
टिपस्टर Onleaks नं Giznext सोबत मिळून Samsung Galaxy A04s स्मार्टफोनचे रेंडर ऑनलाईन लीक केले आहेत. यातून स्मार्टफोनच्या डिजाईनची माहिती समोर आली आहे. फोनमध्ये सेल्फी कॅमेऱ्यासाठी वॉटरड्रॉप नॉच देण्यात येईल. फ्रंट पॅनल खूप पातळ बेजलसह सादर केला जाईल. तर फोनच्या मागे ट्रिपल रियर कॅमेरा सेटअप आणि सॅमसंगची ब्रँडिंग असेल.
Samsung Galaxy A04s स्मार्टफोनच्या उजवीकडे पावर बटन आणि वॉल्यूम रॉकर देण्यात आला आहे. तर डावीकडे सिम ट्रे आहे. तसेच फोनच्या तळाला 3.5mm हेडफोन जॅक, मायक्रोफोन, स्पिकर ग्रिल आणि USB Type-C पोर्ट मिळेल.
Samsung Galaxy A04s चे लीक स्पेक्स
Samsung Galaxy A04s स्मार्टफोन Android 12 आधारित OneUI 4.0 वर चालेल. हा फोन 3GB RAM सह गिकबेंचवर लिस्ट झाला आहे. प्रोसेसिंगसाठी सॅमसंगचाच ऑक्टा-कोर Exynos 850 प्रोसेसर देण्यात येईल. सोबत ग्राफिक्ससाठी ARM Mali-G52 MP1 GPU असेल. सॅमसंगच्या या फोनची भारतात किंमत 10,000 रुपयांच्या आसपास असू शकते.