Realme नं काही दिवसांपूर्वी आपला पहिला टॅबलेट Realme Pad लाँच केला होता. आता रियलमी अजून एका टॅबलेटवर काम करत आहे, जो Geekbench वर Realme Pad नावानं लिस्ट करण्यात आला आहे. या लिस्टिंगमधून या टॅबलेटच्या रॅम, स्टोरेज ऑपरेटिंग सिस्टम, मॉडेल नंबर आणि चिपसेटची माहिती मिळाली आहे.
New Realme Pad Tablet
Geekbench वर रियलमीचा आगामी टॅबलेट RMP2105 या मॉडेल नंबरसह लिस्ट करण्यात आहे. हा टॅबलेट परवडणाऱ्या किंमतीत सादर केला जाऊ शकतो. गिकबेंचच्या सिंगल कोर टेस्टमध्ये या टॅबलेटला 363 आणि मल्टी कोर टेस्टमध्ये 1,330 पॉईंट्स मिळाले आहेत. या लिस्टिंगमधून ऑक्टाकोर Unisoc प्रोसेसरची माहिती मिळाली आहे. या प्रोसेसरला 3GB रॅम आणि 32GB स्टोरेजची जोड दिली जाऊ शकते. रियलमीचा आगामी टॅबलेट Android 11 वर चालेल.
जुन्या Realme Pad चे स्पेसिफिकेशन्स
Realme Pad स्लिम डिजाइन आणि एयरक्राफ्ट ग्रेड अॅल्युमिनियम बॉडीसह सादर करण्यात आला आहे. या रियलमी टॅबमध्ये बॅक पॅनलवर सिंगल कॅमेरा मिळतो. रियलमी पॅडची जाडी फक्त 6.4mm आणि वजन 440 ग्राम आहे. या टॅबलेटमध्ये 10.4 इंचाचा WUXGA+ डिस्प्ले देण्यात आला आहे. या डिस्प्लेचे रिजोल्यूशन 2000X1200 पिक्सल आणि बॉडी टू स्क्रीन रेश्यो 82.5 टक्के आहे. हा टॅब Android 11 आधारित Realme UI वर चालतो.
प्रोसेसिंगसाठी Realme Pad मध्ये मीडियाटेकचा Helio G80 चिपसेट मिळतो. या टॅबलेटमधील 7100mAh ची दमदार बॅटरी देण्यात आली आहे. ही बॅटरी 18W क्विक चार्ज टेक्नॉलॉजीला सपोर्ट करते. तसेच रिवर्स चार्जिंग सपोर्टमुळे या टॅबचा वापर पॉवरबँकप्रमाणे करता येतो. हा टॅब सिंगल चार्जमध्ये 12 तास व्हिडीओ प्लेबॅक आणि 65 दिवस स्टँडबाय टाइम देतो. या रियलमी पॅडमध्ये फ्रंट आणि बॅक पॅनलवर 8MP चा कॅमेरा सेन्सर मिळतो. यारील चार स्पिकर Dolby Atmos आणि अडॅप्टिव सराउंड साउंडला सपोर्ट करतात.