Realme नं आपली अल्ट्रा-फ्लॅगशिप Realme GT 2 सीरीज काही दिवसांपूर्वी चीनमध्ये सादर केली आहे. आता या सीरिजमधील नवीन फोन Realme GT Neo 3 सर्टिफिकेशन साईट TENNA लिस्ट झाला आहे. या लिस्टिंगमधून या स्मार्टफोनच्या डिजाईन आणि स्पेसिफिकेशन्सची माहिती मिळाली आहे. ही लिस्टिंग सर्वप्रथम MySmartPrice नं स्पॉट केली आहे तर टिप्सटर Panda is Bald नं Realme GT Neo 3 च्या स्पेसिफिकेशन्सची माहिती दिली आहे.
Realme GT Neo 3
टेनावर Realme GT Neo 3 स्मार्टफोन RMX3475 या मॉडेल नंबरसह लिस्ट करण्यात आला आहे. लिस्टिंगनुसार हा फोन ट्रिपल रियर कॅमेरा सेटअपसह बाजारात येईल, जो अगदी आयफोन प्रो मॉडेलसह दिसतो. हा फोन डार्क डे, ऑरोरा कलर आणि पीक ब्लू कलरमध्ये उपलब्ध होईल. लीकनुसार हा एक मिड-रेंज फोन असेल.
या आगामी रियलमी फोनमध्ये 6.58 इंचाचा फुल एचडी+ टीएफटी डिस्प्ले असेल. यात 2.2GHz ऑक्टा-कोर प्रोसेसर दिला जाईल. यात मीडियाटेक डायमेन्सिटी 8000 प्रोसेसर मिळू शकतो. सोबत 12GB पर्यंत रॅम आणि 256GB पर्यंतची इंटरनल स्टोरेज मिळेल. पॉवर बॅकअपसाठी 4880 एमएएच बॅटरी दिली जाईल. तर मागे ट्रिपल रियर कॅमेरा सेटअप देण्यात येईल. ज्यात एलईडी फ्लॅशसह 50MP चा मुख्य कॅमेरा, 50MP चा सेकंडरी कॅमेरा आणि 2MP चा थर्ड सेन्सर मिळेल. सेल्फीसाठी 16MP चा फ्रंट कॅमेरा दिला जाईल.
हे देखील वाचा:
दिवसभर डेटा पुरत नाही? मग या स्मार्टफोन ट्रिक्स मिळवून देतील तुमचा वाया जाणारा मोबाईल डेटा