रियलमी इंडियाने काही दिवसांपूर्वी सांगितले होते कि, जागतिक बाजारात सादर झालेला Realme GT Neo 2 स्मार्टफोन भारतात येत आहे. हा 5G Phone आता कंपनीच्या इंडियन वेबसाईटवर देखील लिस्ट झाला आहे. Realme GT Neo 2 5G चे प्रोडक्ट पेज भारतीय वेबसाईटवर लाईव्ह झाल्यामुळे लवकरच हा फोन भारतीयांच्या भेटीला येईल, हे स्पष्ट झाले आहे.
Realme GT Neo 2 5G भारतात कोणत्या तारखेला सादर केला जाईल हे मात्र अजून अधिकृतपणे समोर आले नाही. परंतु हा फोन ऑक्टोबरच्या दुसऱ्या दुसऱ्या किंवा तिसऱ्या आठवड्यात सादर केला जाऊ शकतो. आशा आहे कि Realme GT Neo2 5G फोन चीनमध्ये सादर झालेल्या स्पेसिफिकेशन्ससह भारतात देखील दाखल होईल.
Realme GT Neo2 चे स्पेसिफिकेशन्स
Realme GT Neo2 चा डिस्प्ले खूप खास स्पेसिफिकेशन्ससह सादर केला आहे. कंपनीने यात Samsung E4 Display वापरला आहे, जो पंच होल आणि पूर्णपणे बेजललेस डिजाईनसह सादर करण्यात आला आहे. या फुलएचडी+ रिजोल्यूशन असलेल्या डिस्प्लेचा आकार 6.62 इंच आहे. हा डिस्प्ले 120हर्ट्ज रिफ्रेश, 600हर्ट्ज टच सॅम्पलिंग रेट, 1300निट्स ब्राईटनेस आणि 500000:1 कॉन्ट्रास्ट रेशियोला सपोर्ट करतो, तसेच या डिस्प्लेला कोर्निंग गोरिल्ला ग्लासची सुरक्षा देण्यात आली आहे.
Realme GT Neo2 स्मार्टफोनला क्वॉलकॉमच्या स्नॅपड्रॅगन 870 या 5G चिपसेटकडून प्रोसेसिंग पॉवर मिळते. हा मोबाईल अँड्रॉइड 11 आधारित रियलमी युआय 2.0 वर चालतो. या डिवाइसमध्ये 12GB पर्यंतचा RAM आणि 256GB पर्यंतची स्टोरेज देण्यात आली आहे. रियलमी जीटी नियो2 मधील ट्रिपल रियर कॅमेरा सेटअपमध्ये एलईडी फ्लॅशसह 64MP चा मुख्य सेन्सर, 8 MP ची अल्ट्रा वाईड अँगल लेन्स आणि 2 MP ची पोर्टरेट लेन्स देण्यात आली आहे. या फोनमध्ये 16 MP चा फ्रंट कॅमेरा देण्यात आला आहे. इन-डिस्प्ले फिंगरप्रिंट सेन्सर आणि बेसिक कनेक्टिव्हिटी ऑप्शन्ससह यात 65वॉट फास्ट चार्जिंगसह 5,000एमएएचची बॅटरी देण्यात आली आहे.
Realme GT Neo2 ची किंमत
- 8GB RAM + 128GB स्टोरेज व्हेरिएंट: RMB 2,499 (सुमारे 28,500 रुपये)
- 8GB RAM + 256GB स्टोरेज व्हेरिएंट: RMB 2,699 (सुमारे 30,700 रुपये)
- 12GB RAM + 256GB स्टोरेज व्हेरिएंट: RMB 2,999 (सुमारे 34,200 रुपये)