Realme ने आज एका ऑनलाइन लाँच इव्हेंटच्या माध्यमातून Narzo 30 स्मार्टफोन, नवीन व्हायरलेस इयरबड्स Realme Buds Q2 आणि 32-इंचाचा Full HD Smart TV लाँच केला आहे. या लेखात आपण रियलमीच्या TWS Earbuds आणि Smart TV बाबत जाणून घेणार आहोत.
Realme Smart TV Full HD 32-inch
Realme चा नवीन स्मार्ट TV 32-इंचाच्या साइजमध्ये Full HD रेसोल्यूशनसह येतो. स्लिम बेजल आणि स्लिम डिजाईनसह येणाऱ्या टीव्हीमध्ये 24W Dolby Audio Stereo स्पिकर देण्यात आले आहेत.
Realme Smart TV Full HD ची किंमत 18,999 रुपये ठेवण्यात आली आहे. अर्ली बर्ड ऑफरअंतगर्त तुम्ही हा टीव्ही 17,999 रुपयांमध्ये विकत घेऊ शकता. 29 जूनला दुपारी 12 वाजता realme.com आणि Flipkart वर या टीव्हीचा पहिला सेल होईल.
Realme Buds Q2
Realme Buds Q2 इन-इयर डिजाईनसह लाँच करण्यात आले आहेत. अशीच डिजाईन Realme Buds Q मध्ये देखील देण्यात आली होती. या नवीन बड्समध्ये Bass Boost+ टेक्नॉलॉजी बेस वाढवते. यात 10mm चे डायनॅमिक ड्रॉयव्हर्स देण्यात आले आहेत, हे ड्रॉयव्हर्स पॉलिमर कंपॉजिट डायफ्रेमसह येतात. हे इयरबड्स चार्जिंग केसच्या मदतीने 24 तासांचा बॅटरी बॅकअप देऊ शकतात, असा दावा रियलमीने केला आहे.
Realme Buds Q2 मधील गेम मोड 88ms लो-लेटेंसीसह येतो. या इयरबड्समध्ये म्युजिक कंट्रोल्स देण्यात आले आहेत, तसेच गेमिंग मोडमध्ये जाण्यासाठी आणि बाहेर पडण्यासाठी देखील टच कंट्रोल देण्यात आले आहेत. या बड्समध्ये अ‍ॅक्टिव्ह नॉइज कॅन्सलेशन मिळते.
Realme Buds Q2 ची किंमत 2,499 रुपये आहे. हे बड्स Amazon आणि realme.com वर 30 जूनला दुपारी 12 वाजता खरेदीसाठी उपलब्ध होतील.