आज Poco ने भारतात पोको एम3 प्रो 5जी हा फोन लाँच केला आहे. कंपनीने पोको एम3 प्रो 5जी भारतात बजेट स्मार्टफोन म्हणून सादर केला आहे. युरोपियन बाजारात याआधी लाँच झालेला हा फोन एका ऑनलाईन इव्हेंटच्या माध्यमातून लाँच झाला आहे. चला जाणून घेऊया पोको एम3 प्रो ची संपूर्ण माहिती.
POCO M3 Pro 5G चे स्पेसिफिकेशन्स
पोकोचा हा नवीन फोन पंच-होल डिस्प्लेसह लाँच झाला आहे. हा डिस्प्ले 20:9 अस्पेक्ट रेशियोला सपोर्ट करतो. तसेच या फुलएचडी+ एलसीडी डिस्प्लेचा आकार 6.5 इंच इतका आहे. हा फोन 90हर्ट्ज रिफ्रेश रेटला सपोर्ट करतो.
फोटोग्राफीसाठी POCO M3 Pro च्या मागील बाजूस ट्रिपल कॅमेरा सेटअप देण्यात आला आहे. या सेटअपमध्ये 48 मेगापिक्सलच्या मुख्य कॅमेरासोबत दोन 2MP चे कॅमेरे (मॅक्रो आणि डेप्थ) देण्यात आले आहात. फोनच्या समोरच्या बाजूस 8MP चा सेल्फी शुटर आहे.
पोकोने या फोनसाठी मीडियाटेक डायमेंसिटी 700 चिपची निवड केली आहे, या प्रोसेसरला माली G57 GPU ची जोड देण्यात आली आहे. फोनमध्ये 64GB किंवा 128GB स्टोरेजसह 4GB किंवा 6GB RAM मिळेल. या पोको फोनमध्ये पावर बॅकअपसाठी 5,000mAh ची बॅटरी देण्यात आली आहे, जी बॅटरी 18W फास्ट चार्जिंग सपोर्टसह येते. फोन अँड्रॉइड 11 वर आधारित MIUI 12 वर चालतो.
POCO M3 Pro 5G ची किंमत
POCO M3 Pro च्या 4GB + 64GB वर्जनची किंमत 13,999 रुपये आणि 6GB + 128GB मॉडेलची किंमत 15,999 रुपये आहे. एका खास ऑफरअंतगर्त फोनवर 500 रुपयांचा डिस्काउंट देण्याची घोषणा कंपनीने केली आहे. जर तुम्ही फ्लिपकार्टवर 14 जूनला हा फोन विकत घेणाऱ्या ग्राहकांना हा डिस्काउंट मिळेल. हा डिवाइस 14 जूनपासून ई-कॉमर्स साइट Flipkart वर खरेदीसाठी उपलब्ध होईल.