पॅनासोनिक एल्युगा आय२ अॅक्टीव्ह हे मॉडेल गोल्ड, रोझ गोल्ड आणि ग्रे या तीन रंगांच्या पर्यायांमध्ये ग्राहकांना दोन व्हेरियंटमध्ये उपलब्ध केले आहे. याच्या एक जीबी रॅमच्या व्हेरियंटचे मूल्य ७,१९० तर दोन जीबी व्हेरियंटचे मूल्य ७,९९० रूपये इतके असेल. वर नमूद केल्यानुसार हा स्मार्टफोन खास सेल्फी प्रेमींसाठी सादर करण्यात आला आहे. यात सेल्फी प्रतिमा आणि व्हिडीओ कॉलिंगसाठी ५ मेगापिक्सल्स क्षमतेचा फ्रंट कॅमेरा देण्यात आला आहे. याच्या मदतीने अतिशय उत्तम दर्जाच्या सेल्फी काढता येत असल्याचा दावा पॅनोसोनिक कंपनीने केला आहे. तर यातील मुख्य कॅमेरा ८ मेगापिक्सल्सचा असून यात एलईडी फ्लॅश आणि ऑटो-फोकस हे फिचर्स असतील.
पॅनोसोनिक एल्युगा आय२ अॅक्टीव्ह या मॉडेलच्या दोन्ही व्हेरियंटमध्ये १६ जीबी इनबिल्ट स्टोअरेज प्रदान करण्यात आले असून ते मायक्रो-एसडी कार्डच्या मदतीने १२८ जीबीपर्यंत वाढविण्याची सुविधा देण्यात आली आहे. यात २२०० मिलीअँपिअर क्षमतेची बॅटरी प्रदान करण्यात आली असून हा स्मार्टफोन अँड्रॉइडच्या नोगट या आवृत्तीवर चालणारा असेल. हे मॉडेल फोर-जी व्हिओ-एलटीई नेटवर्कला सपोर्ट करणारे आहे. याशिवाय यात फोर-जी, ब्ल्यू-टुथ, जीपीएस, मायक्रो-युएसबी २.०, एफएम रेडिओ आदी फिचर्स असतील. तर यात ड्युअल सीमकार्ड वापरता येणार आहे. पॅनासोनिक एल्युगा आय२ अॅक्टीव्ह या मॉडेलमध्ये पाच इंच आकारमानाचा आणि १२८० बाय ७२० पिक्सल्स म्हणजेच एचडी क्षमतेचा डिस्प्ले तर क्वाड-कोअर मीडियाटेक एमटी६७३७ हा प्रोसेसर प्रदान करण्यात आला आहे.