OnePlus 9RT India: OnePlus 9RT स्मार्टफोन आणि OnePlus Buds Z2 वायरलेस इयरबड्स लवकरच भारतात येणार आहेत. परंतु आता अधिकृत लाँच पूर्वीच हे दोन्ही डिवाइस वनप्लसच्या अधिकृत वेबसाईटच्या सपोर्ट पेजवर दिसले आहेत. या लिस्टिंगची माहिती 91mobiles नं टिपस्टर मुकुल शर्माच्या हवाल्याने दिली आहे. हे दोन्ही डिवाइस याआधी चीनमध्ये सादर झाले आहेत आणि भारतीय ग्राहक यांची आतुरतेने वाट बघत आहेत.
लिस्टिंगमधून OnePlus 9RT किंवा OnePlus Buds Z2 च्या लाँच डेटची अचूक माहिती मिळाली नाही. परंतु या सपोर्ट पेजमुळे लवकरच हे डिवाइस भारतात येणार आहेत हे निश्चित झालं आहे. याआधी OnePlus 9RT आणि OnePlus Buds Z2 नोव्हेंबरमध्ये भारतात येतील, असा अंदाज लावण्यात आला होता. परंतु अजूनही हे डिवाइस देशात आले नाहीत. OnePlus 9RT भारतात OnePlus RT नावानं सादर केला जाईल, अशी माहिती देखील गेले कित्येक दिवस येत आहे. लीक आणि रिपोर्ट्सनुसार वनप्लसचा हा स्मार्टफोन भारतात 16 डिसेंबरला लाँच केला जाऊ शकतो.
OnePlus RT चे स्पेसिफिकेशन्स
OnePlus RT मध्ये 6.62-चाचा फुल एचडी+ E4 अॅमोलेड डिस्प्ले देण्यात आला आहे. हा डिस्प्ले 1080 x 2400 पिक्सल रिजोल्यूशन, 1300 निट्स पीक ब्राईटनेस, 120Hz रिफ्रेश रेट आणि 1300Hz टच सॅम्पलिंग रेटला सपोर्ट करतो. या फोनमध्ये कंपनीने क्वॉलकॉमच्या स्नॅपड्रॅगन 888 प्रोसेसरची पॉवर दिली आहे. त्याचबरोबर 12GB पर्यंतचा लेटेस्ट LPDDR5 RAM आणि 256GB पर्यंतची वेगवान UFS 3.1 स्टोरेज मिळते. विशेष म्हणजे हा फोन OxygenOS ऐवजी अँड्रॉइड 11 आधारित Oppo च्या ColorOS वर चालतो.
फोटोग्राफीसाठी या फोनमध्ये ट्रिपल कॅमेरा सेटअप मिळतो. ज्यात 50 मेगापिक्सलचा Sony IMX766 प्रायमरी सेन्सर देण्यात आला आहे. त्याचबरोबर 16MP चा अल्ट्रावाईड अँगल सेन्सर आणि 2MP चा मॅक्रो सेन्सर मिळतो. सेल्फी आणि व्हिडीओ कॉलिंगसाठी यात 16MP चा Sony IMX471 सेल्फी शुटर देण्यात आला आहे. OnePlus RT मधील 4,500mAh ची ड्युअल-सेल बॅटरी 65W Warp Charge टेक्नॉलॉजीला सपोर्ट करते.