Motorola Moto Edge X30: कालच Qualcomm नं आपल्या नव्या फ्लॅगशिप प्रोसेसर Snapdragon 8 Gen 1 SoC ची घोषणा केली आहे. या लाँचनंतर स्मार्टफोन कंपन्यांमध्ये नवी शर्यत सुरु झाली. क्वॉलकॉमच्या घोषणेनंतर रियलमीनं Realme GT 2 Pro या प्रोसेसर सादर केला जाईल, असं सांगितलं. शाओमीनं देखील आपण नव्या स्नॅपड्रॅगन प्रोसेसर असलेल्या फोनवर काम करत असल्याचं सांगितलं. पंरतु यांच्या एक पाऊल पुढे जात Motorola नं स्नॅपड्रॅगन 8जी 1 चिपसेट असलेल्या स्मार्टफोनची लाँच डेट देखील सांगितली.
Motorola नं जगातील सर्वात पहिला Snapdragon 8G 1 चिपसेट असलेला स्मार्टफोन 9 डिसेंबरला लाँच केला जाईल, अशी घोषणा केली आहे. हा फोन Moto Edge X30 नावानं ग्राहकांच्या भेटीला येईल. आतापर्यंत लिक्स आणि रिपोर्ट्समधून या फोनची माहिती मिळाली आहे.
Moto Edge X30 चे संभाव्य स्पेक्स
या मोटोरोला स्मार्टफोनमध्ये 6.67-इंचाचा FHD+ OLED पॅनल आणि 144Hz रिफ्रेश रेट मिळेल. Snapdragon 8 Gen1 सह यात 16GB पर्यंतचा रॅम आणि 512 GB ची स्टोरेज मिळू शकते. मोटोरोलाच्या आगामी स्मार्टफोनमध्ये स्टॉक अँड्रॉइड आधारित My UI 3.0 मिळेल. ज्यात मोटोरोलाच्या Moto Actions सारखे कस्टमाइज्ड फिचर मिळतील.
या फोनमध्ये 50MP प्रायमरी कॅमेरा, 50MP ची पेरिस्कोप लेन्स आणि 2MP चा थर्ड सेन्सर असलेला ट्रिपल रियर कॅमेरा सेटअप मिळेल. फोनमध्ये 60MP चा सेल्फी कॅमेरा दिला जाऊ शकतो. पॉवर बॅकअपसाठी यात 5,000mAh बॅटरी 68W फास्ट चार्जिंग सपोर्टसह मिळू शकते.