गेल्या महिन्यात जागतिक बाजारात सादर करण्यात आलेली Edge 20 सीरिज आज भारतात सादर करण्यात आली आहे. या सीरिजमध्ये Motorola ने Motorola Edge 20 आणि Motorola Edge 20 Fusion असे 5G स्मार्टफोन्स सादर केले आहेत. यातील एज 20 स्मार्टफोन भारतातील सर्वात हलका आणि स्लिम 5G स्मार्टफोन असल्याचे कंपनीने म्हटले आहे. तर मोटोरोला एज 20 फ्युजन या सीरिजमधील स्वस्त स्मार्टफोन आहे जो 108 मेगापिक्सल कॅमेरा आणि 8GB रॅमला सपोर्ट करतो. या लेखात आपण मोटोरोला एज 20 फ्युजनबाबत जाणून घेणार आहोत तर मोटोरोला एज 20 च्या माहितीसाठी इथे क्लिक करा.
Motorola Edge 20 Fusion चे स्पेसिफिकेशन्स
Motorola Edge 20 Fusion स्मार्टफोनमध्ये 6.67 इंचाचा 90Hz रिफ्रेश रेट असलेला अ‍ॅमोलेड डिस्प्ले देण्यात आला आहे. हा डिस्प्ले 20:9 मॅक्स विजन अस्पेक्ट रेशियो आणि 2400 x 1080 पिक्सल रिजोल्यूशनला सपोर्ट करतो. हा फोन अँड्रॉइड 11 आधारित माय यूएक्सवर चालतो, जो Android 13 पर्यंत अपडेट केला जाईल. या फोनमध्ये कंपनीने मीडियाटेकचा Dimensity 800 चिपसेट दिला आहे. या मोटोरोला फोनमध्ये 8GB पर्यांतच रॅम आणि 128GB पर्यंतची इंटरनल स्टोरेज मिळते. ही स्टोरेज मायक्रोएसडी कार्डच्या माध्यमातून वाढवता येते.
हे देखील वाचा: 18GB रॅम, 6,000mAh बॅटरी आणि स्नॅपड्रॅगन 888+ प्रोसेसरसह दमदार ASUS ROG Phone 5S लाँच
फोटोग्राफीसाठी मोटोरोला एज 20 फ्युजन मध्ये ट्रिपल रियर कॅमेरा सेटअप मिळतो. या सेटअपमध्ये 108 मेगापिक्सलचा मुख्य सेन्सर, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलचा डेप्थ सेन्सर आहे. हा मोटोरोला फोन 32 मेगापिक्सलच्या फ्रंट कॅमेऱ्याला सपोर्ट करतो. Motorola Edge 20 Fusion मधील 5,000एमएएचची मोठी बॅटरी 30वॉट टर्बोपावर फास्ट चार्जिंगला सपोर्ट करते.
हे देखील वाचा: जबरदस्त! या स्मार्टफोनवर टिकणार नाही बॅक्टेरिया; अँटी-बॅक्टेरियल कोटिंगसह Ulefone Armor 12 Dual 5G लाँच
Motorola Edge 20 Fusion ची किंमत
Motorola Edge 20 Fusion चे दोन व्हेरिएंट्स भारतात उपलब्ध होणार आहेत. फोनचा छोटा व्हेरिएंट 6GB रॅम आणि 128GB इंटरनल स्टोरेज व्हेरिएंट 21,499 रुपयांमध्ये विकत घेता येईल. तर 8GB रॅम आणि 128GB स्टोरेज मॉडेलची किंमत 22,999 रुपये ठेवण्यात आली आहे. Motorola Edge 20 Fusion चे हे दोन्ही व्हेरिएंट 27 ऑगस्टपासून फ्लिपकार्टवरून विकत घेता येतील.