Motorola ने सध्या आपल्या G-सीरिजमध्ये नवीन स्मार्टफोन लाँच करण्याची तयारी करत आहे. भारतात Moto G40 Fusion आणि Moto G60 स्मार्टफोन लाँच केल्यानंतर आता मोटोरोला काही निवडक देशांमध्ये Motorola G-सीरिजमध्ये अजून एक स्मार्टफोन लाँच करण्याची तयारी करत आहे. टिपस्टर सुधांशुने या स्मार्टफोनची माहिती MySmartPrice ला दिली आहे. हा नवीन मोटोरोला नवीन फोन युरोपमध्ये Moto G60S नावाने लाँच केला जाऊ शकतो. फक्त नाव नाही तर काही स्पेक्स आणि किंमतीची माहिती देखील या रिपोर्टमधून समोर आली आहे. (Motorola Moto G60s Price Euro 300 Specifications Launch Date Colour Leak Lisbon Codename)
Moto G60S स्मार्टफोनचे कोडनेम Lisbon आहे. मोटोरोलाच्या स्मार्टफोनच्या स्पेसिफिकेशन्स आणि फीचरची जास्त माहिती उपलब्ध झाली नाही. मोटोरोलाच्या या स्मार्टफोनचे काही स्पेसिफिकेशन्स आणि फीचर अलीकडेच भारतात लाँच झालेल्या Moto G60 सारखे असू शकतात.
Moto G60 चे स्पेसिफिकेशन्स
Moto G60 मध्ये 6.8 इंचाचा फुल एचडी+ 120Hz डिस्प्ले देण्यात आला आहे. हा मोटोरोला स्मार्टफोन Qualcomm Snapdragon 732G SoC ला सपोर्ट करतो. तसेच यात 6GB रॅम आणि 128GB इंटरनल स्टोरेज देण्यात आला आहे. मोटोरोलाचा हा फोन Android 11 वर चालतो.
Moto G60 मध्ये ट्रिपल रियर कॅमेरा सेटअप देण्यात आला आहे. ज्यात 108MP चा मुख्य कॅमेरा, 8 मेगापिक्सलचा अल्ट्रा वाईड सेन्सर आणि 2 मेगापिक्सलचा डेप्थ सेन्सर आहे. हा फोन 32 मेगापिक्सलच्या सेल्फी कॅमेऱ्यासह सादर करण्यात आला आहे. या फोनमध्ये 6000mAh ची बॅटरी 20W फास्ट चार्जिंगसह देण्यात आली आहे.
Moto G60S ची संभाव्य किंमत
टिपस्टर सुधांशुने MySmartPrice ला दिलेल्या माहितीनुसार, Motorola G60S स्मार्टफोन 8GB रॅम आणि 128GB इंटरनल स्टोरेजसह सादर केला जाऊ शकतो. या स्मार्टफोनची किंमत 300 ते 320 युरो दरम्यान (अंदाजे 26,500 ते 28,300 रुपये) असू शकते.