आयव्हूमी कंपनीने आपला आयव्हूमी आय२ लाईट हा स्मार्टफोन लाँच केला असून हे मॉडेल ग्राहकांना फ्लिपकार्टवरून खरेदी करता येणार आहे. आयव्हूमी आय२ लाईट हा स्मार्टफोन ग्राहकांना ६,४९९ रूपये मूल्यात आणि मर्क्युरी ब्लॅक, सॅटन गोल्ड आणि मार्स रेड या तीन रंगाच्या पर्यायांमध्ये उपलब्ध करण्यात आला आहे. या मॉडेलमध्ये ५.४५ इंच आकारमानाचा आणि १४४० बाय ७२० पिक्सल्स म्हणजेच एचडी प्लस क्षमतेचा तसेच १८:९ अस्पेक्ट रेशो असणारा डिस्प्ले देण्यात आला आहे. यात मीडियाटेकचा क्वॉड-कोअर ६७३९ हा प्रोसेसर दिलेला आहे. याची रॅम २ जीबी आणि इनबिल्ट स्टोअरेज १६ जीबी असून ते मायक्रो-एसडी कार्ड वापरून वाढविण्याची सुविधा देण्यात आली आहे.
आयव्हूमी आय२ लाईटच्या मागील बाजूस १३ आणि २ मेगापिक्सल्सच्या ड्युअल कॅमेर्यांचा सेटअप दिला आहे. यातील पहिल्या कॅमेर्यामध्ये सोनी कंपनीचे सेन्सर असून दोन्हींमध्ये सॉफ्ट फ्लॅशची सुविधा देण्यात आली आहे. या दोन्हींच्या मदतीने अगदी दर्जेदार प्रतिमा घेता येत असल्याचे कंपनीने नमूद केले आहे. तर, यातील फ्रंट कॅमेरा ८ मेगापिक्सल्सचा आहे. याच्या मदतीने सेल्फी आणि व्हिडीओ कॉलींगसह फेस अनलॉक या फिचरचाही वापर करता येणार आहे. यामध्ये ४,००० मिलीअँपिअर क्षमतेची बॅटरी असून हे मॉडेल अँड्रॉइडच्या ओरियो या आवृत्तीवर चालणारे आहे.
आयव्हूमी आय२ लाईट या मॉडेलमध्ये फोर-जी व्हिओ-एलटीई नेटवर्क सपोर्टसह ब्ल्यू-टुथ, वाय-फाय, जीपीएस, मायक्रो-युएसबी आदी फिचर्स असतील. तसेच यात फिंगरप्रिंट स्कॅनरसह अॅक्सलेरोमीटर, गायरोस्कोप, ग्रॅव्हीटी, अँबिअंट लाईट सेन्सर्सदेखील प्रदान करण्यात आले आहेत.