iQOO Z5 Price In India: विवोच्या सब-ब्रँड iQOO ने भारतात iQOO Z5 स्मार्टफोनचा नवीन कलर व्हेरिएंट लाँच केला आहे. दोन महिन्यांपूर्वी कंपनीने एक स्मार्टफोन भारतात सादर केला होता, त्याचा नवीन व्हेरिएंट iQOO Z5 Cyber Grid Edition नावाने सादर केला आहे. फीचर्स आणि स्पेक्स सारखेच असले तरी आता iQOO Z5 स्मार्टफोनच्या मिस्टिक स्पेस आणि आर्टिक डॉन कलरसह अजून एका ऑप्शन उपलब्ध झाला आहे.
iQOO Z5 Cyber Grid Edition ची किंमत
iQOO Z5 Cyber Grid Edition स्मार्टफोनचे दोन व्हेरिएंट भारतात सादर करण्यात आले आहेत. यातील 8GB रॅम आणि 128GB स्टोरेज असेलेल्या मॉडेलची किंमत 23,990 रुपये आहे. तर 12GB रॅम आणि 256GB स्टोरेज असलेला व्हेरिएंट 26,990 रुपयांमध्ये सादर करण्यात आला आहे. लाँच ऑफर अंतगर्त 8GB व्हेरिएंटवर अॅमेझॉवर 1,500 रुपयांचा कुपन डिस्काउंट मिळेल. त्यामुळे या व्हेरिएंटची किंमत 22,490 रुपये होईल.
iQOO Z5 Cyber Grid Edition चे स्पेसिफिकेशन्स
iQOO Z5 Cyber Grid Edition मध्ये 6.67-इंचाचा फुलएचडी+ डिस्प्ले मिळतो. हा पंच होत डिजाईनसह सादर करण्यात आलेला डिस्प्ले 120Hz रिफ्रेश रेट आणि 240Hz टच सॅम्पलिंग रेटला सपोर्ट करतो, जे गेमिंगसाठी खूप उपयुक्त ठरतात. हा फोन क्वालकॉम स्नॅपड्रॅगन 778G SoC वर चालतो, तर ग्राफिक्ससाठी एड्रेनो 670 GPU देण्यात आला आहे. हा फोन अँड्रॉइड 11 आधारित फनटच ओएसवर चालतो.
या फोनमध्ये 12GB पर्यंतचा वेगवान LPDDR5 RAM आणि 256GB पर्यंतची UFS 3.1 इंटरनल स्टोरेज देण्यात आली आहे. iQOO Z5 Cyber Grid Edition मध्ये 4GB एक्सटेंडेड रॅम, VC लिक्विड कूलिंग सिस्टम, सराऊंड साऊंडसह ड्युअल स्पिकर आणि 4D गेम व्हायब्रेशनसह लिनियर मोटार देण्यात आली आहे.सिक्योरिटीसाठी यात साईड माउंटेड फिंगरप्रिंट स्कॅनर देण्यात आला आहे.
iQOO Z5 Cyber Grid Edition मधील ट्रिपल कॅमेरा सेटअपमध्ये 64 मेगापिक्सलचा सॅमसंग ISOCELL GW3 मुख्य सेन्सर आहे. त्याचबरोबर 8 मेगापिक्सलची वाईड अँगल लेन्स आणि 2 मेगापिक्सलचा मॅक्रो सेन्सर देण्यात आला आहे. यातील फ्रंट कॅमेरा 16 मेगापिक्सलचा आहे. पॉवर बॅकअपसाठी यात 5,000mAh ची बॅटरी मिळते, ही बॅटरी 44W फास्ट-चार्जिंगला सपोर्ट करेल.