Infinix ने काही दिवसांपूर्वी आपली ‘नोट 11’ सीरीज जागतिक बाजारात उतरवली होती. या सीरिजमध्ये Infinix Note 11, Infinix Note 11 Pro आणि Infinix Note 11s असे तीन स्मार्टफोन्स सादर करण्यात आले आहेत. त्यात आता Infinix Note 11i ची भर कंपनीने घातली आहे. हा फोन Helio G85 चिपसेट, 48MP triple camera, 4GB RAM आणि 5,000mAh बॅटरीसह लाँच झाला आहे.
Infinix Note 11i ची किंमत
Infinix Note 11i स्मार्टफोन सध्या नायजेरियात लाँच करण्यात आला आहे. लवकरच हा भारतासह जगभरातील अन्य देशांमध्ये देखील उपलब्ध होईल. या फोनची किंमत 160 अमेरिकन डॉलर ठेवण्यात आली आहे, ही किंमत भारतीय चलनात 11,500 रुपयांच्या आसपास रूपांतरित होते.
Infinix Note 11i
इनफिनिक्स नोट 11आय मध्ये 6.95 इंचाचा फुलएचडी+ आयपीएस डिस्प्ले मिळतो. हा डिस्प्ले 180Hz टच सेपलिंग रेटला सपोर्ट करतो. या इनफिनिक्स फोनमध्ये ऑक्टकोर प्रोसेसरसह मीडियाटेकचा हीलियो जी85 चिपसेट मिळतो. त्याचबरोबर 4GB RAM आणि 64GB इंटरनल स्टोरेज देण्यात आली आहे. ही मेमरी मायक्रोएसडी कार्डच्या माध्यमातून वाढवता येते. हा डिवाइस अँड्रॉइड 11 ओएसवर आधारित एक्सओएस 7.6 युआयवर चालतो.
Infinix Note 11i एक ड्युअल सिम फोन आहे, जो 4जी वोएलटीई, 3.5एमएम जॅक आणि बेसिक कनेक्टिविटी फीचर्ससह बाजारात आला आहे. फोनयामध्ये साईड माउंटेड फिंगरप्रिंट सेन्सर आणि फेस अनलॉक फीचर सुरक्षेची जबाबदारी पार पाडतात. पॉवर बॅकअपसाठी इनफिनिक्स नोट 11आय मध्ये 5,000एमएएचची बॅटरी 18वॉट फास्ट चार्जिंगसह देण्यात आली आहे.
फोटोग्राफीसाठी फोनमध्ये ट्रिपल रियर कॅमेरा सेटअप मिळतो. ज्यात क्वॉड एलईडी फ्लॅशसह 48 मेगापिक्सलचा प्रायमरी सेन्सर, 2 मेगापिक्सलची मॅक्रो लेन्स आणि 2 मेगापिक्सलचा पोर्टरेट सेन्सरचा समावेश आहे. सेल्फी आणि व्हिडीओ कॉलिंगसाठी यह इनफिनिक्स फोन 16 मेगापिक्सलचा सेल्फी कॅमेऱ्याला सपोर्ट करतो.