Infinix नं Infinix Hot 11s आणि Infinix Note 11s या दोन लोकप्रिय स्मार्टफोन्सवर मोठ्या डिस्काउंटची घोषणा केली आहे. हे स्मार्टफोन्स या डिस्काउंटसह Flipkart च्या Republic Day Sale मधून विकत घेता येतील. हा सेल 17 जानेवारी 2022 ला सुरु होणार असून 22 जानेवारीला याची समाप्ती होईल.
Infinix Hot 11s आणि Infinix Note 11s ची किंमत आणि डिस्काउंट
Infinix Hot 11s आणि Infinix Note 11s स्मार्टफोन Flipkart Rupublic Day Sale मध्ये 1,000 रुपयांच्या डिस्काउंटसह विकत घेता येतील. सेलमध्ये Infinix Hot 11s 4GB/64GB मॉडेल 10,999 रुपयांच्या ऐवजी 9,999 रुपयांमध्ये विकत घेता येईल. तर फोनच्या 4GB/128GB मॉडेलसाठी 10,999 रुपये मोजावे लागतील. 13,999 रुपयांचा Infinix Note 11s 6GB/64GB मॉडेल 12,999 रुपयांमध्ये मिळेल. तर 8GB/128GB व्हेरिएंटसाठी 14,999 रुपये मोजावे लागतील.
Infinix Note 11S चे स्पेसिफिकेशन्स
Infinix Note 11S स्मार्टफोनमध्ये 6.95-इंचाचा IPS LCD डिस्प्ले देण्यात आला आहे. हा डिस्प्ले 120Hz रिफ्रेश रेट आणि 180Hz टच सॅम्पलिंग रेटला सपोर्ट करतो. या फोनमध्ये MediaTek Helio G96 चिपसेटची प्रोसेसिंग पॉवर देण्यात आली आहे. त्याचबरोबर 8GB पर्यंतचा रॅम आणि 128GB स्टोरेज मिळते.
फोटोग्राफीसाठी या फोनमध्ये 50MP प्रायमरी कॅमेरा, 2MP मॅक्रो लेन्स आणि 2MP डेप्थ सेन्सर देण्यात आला आहे. Infinix Note 11S मध्ये 16MP चा फ्रंट कॅमेरा आहे. हा इनफिनिक्स फोन Android 11 आधारित XOS 7.6 वर चालतो. यातील 5000mAh ची बॅटरी आणि 33W फास्ट चार्जिंगला सपोर्ट करते.
हे देखील वाचा:
Amazon Sale: फक्त आजचा दिवस! 1 रुपयात बुक करा मोबाईल, टीव्ही आणि अॅक्सेसरीज; जाणून घ्या ऑफर
आजूबाजूच्या आवाजाचा भान ठेवत म्युजिक ऐकण्यासाठी OnePlus Buds Z2 मध्ये खास मोड; किंमतीही बजेटमध्ये